四
26
11月
2009
Buster Prime @ LC
我稱之為"日版電鍍手炮開口文"～～
之前官方放圖，只ROTF文全身金屬色，又加電鍍，又有手炮，好鬼靚，單睇圖已經將其列為我本年最愛之一了，亦是我最期待的玩具之一。得到實物後保留住一向與官圖的距離，不過我依然好中意！
貨車mode已經見到塗裝上有大變化，主要系全身火紋加白邊重新造（部份位置和形狀都與第一版不同），車頭同雨篷加電鍍（這是唯一加電鍍的地方了，如果有電鍍軑鈴就更正了。）。原本灰膠色的地方都塗上了銀色。而整體的藍色亦於第一版有所不同，再鮮色一D。不過依然未能完美，車窗內的齒輪和煙囪依然系原膠色，這是與官圖最大之差別。全身都油過卻不油該處，實是費解。
後碌沙冚亦追加了火紋
車頭的博派標誌已經有精細塗裝
新火紋真系好靚！！
人型的塗裝效果更明顯，原來的膠色手腳全部用翻銀色。第一版中與設定不符的配色亦改過來了，火紋也有新的追加。
整體配色更加接近設定，都已經8899了
最大改變當然是頭部新制，改成唔戴面罩的頭部。我向來接受有嘴的頭部，不過實物系有小小不好睇，所以都加翻小小細節，畫翻眼耳口鼻就OK了。特別系描翻個嘴，咪先你一時間真系睇唔到個嘴系邊的。
心口內齒輪無著色真系幾失色的.....不過你又會見到兩肩豎起的部份又塗成銀色，亦跟設定在要本塗上藍色。心口兩邊的車門部份亦是新的火紋，窗框亦加翻藍色。兩肋唔使自己再改色了，已上金屬藍！
其他最主要的改色部份為腳部，內側裝甲底部轉成紅色，腳板上部加藍色。雙手下臂亦以銀色塗翻中間的機械部份，手刀更以透明黃膠件製作，再以銀油追加細節！
大賣點之人，油罐可拆卸，並可變形合體成沖擊炮
加番之炮，文哥當堂唔同晒！
拆去油罐後，背部亦無損美觀！
支炮的變形結構有心思，同時細節豐富
後記：有眼睇，呢款柯柏文相當出色，塗裝上比第一版有幾何級數的進步（始終系日本仔嘢嘛），與設定比較，整體已經有9成相同了，非常了得！新加的沖擊炮就更有心思了！頭部轉成開口就唔系咁受大眾歡迎，更有人提議將原口罩頭部換上去，但我又覺得無必要了，一來兩版的藍色是不同的，二來我向來不抗拒文哥開口，而開口亦是本品特點來，何必要換呢。
曾經考慮過亦為此款再上色加D細節，但最終只是畫了幾筆了事，主要系因為本品已經很出色，有D位跟唔足都唔緊要了，我只想最大程度的保留它的原貌，反正repaint的功夫我亦玩到唔太想玩了。
如是你已經有第一版，那這一款加了新頭部和新武器，亦可以接受的。
如果你已經有第一版，不過repaint了，那不緊要，你就留一款唔會玩甩色的乾淨塗裝版吧。
如果你已經有第一版，但無repaint，那這款你更加不能錯過！
*********************************************************************
本想完全保留呢只文嘅原裝盡量唔郁佢的～
後嚟見到人仔貓油，我又手痕了～
都系嗰幾味：心口齒輪、雨刮和倒鏡油銀，加番金色機械位，上臂加番藍色手環
评论: 12
-
#1
Elljay這麼快入手了!! 我在HK的朋友都話出左, 我這面連影都冇
呢隻文哥唔入唔得, 雖然變形好唔順暢, 但車形同人形絕對是歷來最正的!
不過日版果然係正多了, 聲光同美版果隻有冇唔同?
Elljay不知可否將有口罩個頭換到日版上分享比大家睇睇有幾正:D -
#2
聲光效果一樣的。
換頭就唔搞了，一來兩只藍色唔同，二來我覺得無戴口罩都有本來的味道，無必要了。
而且我向來都覺得有嘴的文哥OK的，就好似奧迪武咁～XD -
#3
再一次淹死了.....被自己的口水
-
#4
如果我已經有第一版，repaint了，最後仲賣埋添；咁都唔會令我再買多次，呵呵。
雖然人人話正，但我就略有保留。。。 -
#5
仁：
講嚟聽下？
我就愛得全無保留了 -
#6
主要是我覺得變形上比較繁復。雖然呢個是創新，同真是比第一版好太多。但有時一件玩具搞到咁，
變好呢邊果邊又跌咁，真是唔知樂趣還在否了。我覺得老變玩具在一定的變形難度的同時，應該更加
注重玩家的感受。花咗錢（在美國的話，超過20的玩具一般傢長都唔買。認為好貴了）但又比唔到把玩
過程的享受（好似玩天火就真是火都嚟埋）。所以我先話我個人有保留。當然呢d問題其實是可以更加
完善的。睇睇第三集時會點吧。呵呵 -
#7
油埋個嘴同對眼效果眞係好好多！我又試下先！
我覺得呢款文眞係幾完美了，雖然在“玩”嘅角度實在有點過份費煞心機，但總體嚟講，只有一句可以形容"more than meets the eye"。 不當它玩具，卻可當一件裡程碑式嘅代表作了。 -
#8
碌炮好正！不過......唉......都係算把啦！
-
#9
常威:
禁正~点解算啊？入啦 -
#10
这个星期里就到我手！！！好紧张。
-
#11
前晚终于得到手。死鬼靓！！！真的同之前感觉完全不同。
-
#12
E只文哥真系心动啊~~不过我而家想收返BW怀旧一下，5知道广州便到仲有咧~~~
打印版本
推荐本站！