山口勝久的突破：三段變形VALKYRIE

其他唔使講，真系好利害，由造型公仔切開加關節，到好有系統的Revoltech，現在仲可以玩埋變形，仲要系三段！真系不得不佩服。雖然VF戰機在20年前已經實現完全變形，但結構上並不算簡單。而在單靠轉輪關節就可以實現變形和可動，真系要俾個叻字佢！

VF我玩開Yamato，本人並不對此系列有幾大期待和興趣，所以並無入手打算。不過呢次真系想睇下佢會做成點。總體來說，上色和做功維持該系列的水凖。雖然算不上是完全變形，但其實只要更換小量配件（機倉蓋和手型）就已經可以完成變形，以呢個size來說是完全可以收貨的。

本篇只講變形～

配件一覽，那兩支棍仔系用來在挑起手部的插管的。系比較麻煩的一項。

F mode系實淨的，都算緊密。不過呢只有D Sad，右翼的插後比較松，好易跌，我在變形時都有點火。

變形方式系完全無懸念的，不過全部關節都以轉輪完成。

一打開就會見到一堆轉輪了。

 G mode似模似樣，最緊要有八字腳。

另外，其實系有變形優先的手型的，不過那對手實在系好細好細，我便直接換手了。

整個變形過程和其他可變VF基本相同。

變形成B mode時，需要替換機倉蓋。

變形完成，基本上每一個地方都有卡榫固定，不過手腳就系吊吊fing的，幾松下～

總體來說，我覺得可以變形已屬難得，最大問體系結構松散。而數個固定插管感覺亦唔結實，多玩必斷。

不過我相信呢個系列之後加以調整應該系OK的。但不認為會推出VF-1以外的可變戰機，因為呢款已經系最簡單了～～～

想試新嘢可以買嚟玩下，但千其唔好有期待。抱住“呢個價錢，仲要系山口式，可以三段變形真系好難得”的心態去玩，會寬容點。

下篇會以VF-1S介紹本品Details，點擊繼續（細節篇）

（細節篇）