《但丁的地獄》（但丁的神曲）

XBOX360上類似《戰神》的ACT Game，故事大概講述聖戰士Dante為救愛人闖地獄的故事，遊戲分為地獄篇、煉獄篇和天堂篇，但目前睇遊戲介紹完全未見有天堂的場景，一路都好鬼地獄。遊戲在2月9日發售，我無360無得玩。話說NECA真系360最佳伙伴，好多遊戲NECA都有出玩具。而NECA嘢亦真系越出越靚，呢只Dante我之前完全無留意過，只系無意中見到網上有人貼出，就已經覺得好正，於是即時出去找一款，順便毒埋Warxv。

 

玩具本身雕刻好正，上色亦在水准之中，不過老美嘢梗系要執下色的，全身滲線，畫過塊面，再加埋Warxv的紅十字手甲（呢下真系掂，俾番聖騎士團的標誌佢），出來效果不俗。可動性雖然未算好得，特別系膝關節的彎曲角度不足90度，但上身關節系絕對夠玩有餘的。所以成只嘢我系好滿意的！加上獨特造型，我覺得呢款系近期NECA極品來！

 

 

Dante外型就系那種充滿哥德式風格的聖騎士，但胸甲除下，又自己在心口縫上血十字塗疼，加上背後的死神巨鎌，又多一分詭異。兩腕的紅綢已經做好舊化，末端仲有細十字架，又增一分華麗。盔甲雕功好好，連鎖子甲和皮具的上色都幾有質感。關節隱藏得唔錯，連腰部都可以旋轉和前後彎曲，做得幾好。

 

 

 

面相加功過之後都過得去，NECA做有須根的面相總系會有左右須根不對稱的情況，小問題我就無視了。唯眼神未夠殺氣。

 

 

心口血十字的圖畫完全唔知畫Ｄ咩，不過對於6"公仔來說，有呢個效果我都收貨的

 

盔甲好靚～！Warxv的紅色十字又系一絕～！

 

 

腰間的十字架可以解下。

 

死神巨鎌骨感幾好，本身已經做好滲線和舊化，我只需在頭部加重效果就已經好足。

 

 

 

 

刀頭可以像遊戲般轉動，可以做出突刺的形態。

 

 

柄部內藏鐵線，可以任意彎曲，又和遊戲中一樣，當然是不可以伸長啦～

 

刀頭可以拆下，有手柄可以握於手中。我對呢件武器真系好滿意，遊戲中各個形態都有所表現！ 

 

 

 

十字架應該是發揮魔法效果的武器

 

 

 

 

基本講完，總之我覺得成只嘢都好有型好靚～

 

 

 

 

 

 

後記：近期NECA的佳品，只售100蚊，絕對抵玩，見到不妨一入，應不會令你失望～！