六
12
6月
2010
[MGS PW] Snake Sneaking Suit Ver. @ PLAY ARTS 改
METAL GEAR SOLID
PEACE WALKER
PLAY ARTS 改
SNAKE Sneaking Suit Ver
首先一定要講下款遊戲，我本身系MGSER，對呢個系列很狂熱，除了以前的靈魂通天塔無打爆機外，全部都接近100%通關的。呢個系列真系好正好好玩。在MGS3出現前，我當然系中意David（Solid Snake），別無他選。但在MGS3後到現在的MGSPW，Jack（Big Boss）更是有血有肉。故事緊接MGS3，講述Snake如何組結邊境軍隊成為Big Boss、如何再次阻止核戰爭（順便溝女和搞基）的故事。雖有沉重題材，但全作中都出現大量小島秀夫的惡搞，十分過隱。之前一個月極度沉迷該遊戲，就連在公司都不時偷偷地玩，晚上更系玩到2～3點，最大遺憾系揾唔同朋友聯機，未能體驗過隱之處，而聯機部份的勛章和稱號亦當然無法得到，未能達成100%通關。
在此誠征MGSPW迷聯機，地點廣州，有興趣的朋友唔該在留言處留下聯繫方式～謝過～
Square-Enix X Konami，推出MGSPW的公仔和AI兵器，一公布我就好留意，睇官圖已經十分滿意。代理的兄弟十分夠兄弟，在公仔發售前提前給了我一款，高興死人～搞到我連南非VS墨西哥都無心機睇，完全掛住玩。因為單系隔住個盒睇只Snake已經好正了。
第一感覺系大！起碼8.5吋，有26.5cm高。
然後是上色靚！全身上色都很精細，完全沒有出界，光澤感亦很不錯！
但可惜配件少，只有4只手型，兩支MK.22，一個盾，不過考慮到這是Sneaking Suit，少武器也似乎是理所當然～
玩上手好正，重手，膠質好，關節足，對腳扭落格格聲的好正。除了手肘只能屈90度外，其他的每一處關節都很令人滿意，玩起上來得心應手。我好似好耐無玩過咁正的action figure了！
呢套衫系我遊戲中用得最多的一套，平時任務和打裝甲車坦克戰機時都用呢件。打AI就當然用Battle W/H了。
體形好正，似乎比遊戲中更大只。緊衣衫和背帶完全是分件製作，有不同的質感，最初我仲以為D帶系布制的。呢只公仔單是站立已經好靚了。
背部有埋水壺和大包，如果個包可以打開裝D濕碎嘢仲正～！
頭部實物其實做得好好，上色肉眼睇都已經很令人滿意。不過個頭得手指公咁大，依家放到十倍大，系會見到D唔想見到的嘢。我可以好負責地講，實物頭部絕對令你滿意，如果你覺得睇相個頭麻麻會影響你購買入的話，唔該先去玩具店睇實物～。
兩肩的LOGO印得好靚好清，實說Miltanires Sans Frontieres我無咩感覺，事實上遊戲中未能體驗到有什麼軍隊作戰的感覺。反而FOX LOGO比較有味道。
可動性絕對令人滿意，CQC下先～！
跪低完全無難度，仲要跪得好靚。拔槍先～
裝翻個消聲筒再上雞。話說呢支應該是Mk.22來，不過個消聲筒又做到咁大支.......
肩關節有點限制，不過橫舉90度是無問題的。
射擊POSE很完美呢～！
盾一樣，除了把手外，還可綁在手臂上，外型和遊戲中完全一樣！如果你喜歡話，可以跟遊戲塗成你自己果只色～
但我就幾乎無用過盾，可能聯機時才能了揮實用。
遊戲選衫時的Pose也可以做到～
兩款Big Boss，兩只我都好中意！而你亦可以見到呢只公仔有幾大只，雖然RAH的BIG BOSS是編小了一點。
三只AI BOSS都會出，不過並唔平，貴過只SNAKE幾千YEN，而我最在意是Basilisk可不可以變成四足形態，起碼在官圖中我未看到。
後記：呢只我玩得好滿意，認為是S-E省招牌之作，希望嚟緊的DMC都會咁正～！
之前的產品發布上有軍裝BIG BOSS模，應該系J.Fatgues裝，希望到時附一點重武器吧
強推！如果你有玩MGSPW，點可以唔買呢只，大貨應月中就派，到時周街揾吧，呢只會好少貨的！
后来重涂了面部～靓晒～！
HEAVENSDIVIDE
13 评论
-
#1
哦！！！！！！！
终于等到了！！！ 哩个游戏玩作一百几个重头了~ 最近成一个月可谓痴迷哩个游戏 一直冇停过~
特别系同好友联机玩 + 用PS3去日本服务器挑战~
MGS PW 游戏劲到冇野讲 2010最好噶游戏（冇之一啊~）剧情音乐系统画面通通冇得顶~ 小小噶PSP容量可以做到如此 不愧系MGS 5（小岛语）了~ 而家全英开始观光巴士开始做哩个游戏欧版噶广告~
哩首主题曲HEAVEN DIVIDE更是画龙点睛啊~ 非常中意 ELLJAY哩篇野设计~ 哈哈 可能系我系FANS了 太激动了~
唔知道价位几多 睇完你详细分析好考虑入手~~~~~~~
最后讲句：“MGS PW 抵赞！！”
-
#2
和也，
呢個遊戲絕對一流，系我玩過最好玩的遊戲，而且我仲未玩過聯機呢，到時一定更正！！我覺得呢次PW正過之前任何一作MGS！
Heaven Divide真系正，特別系打打下去到控制塔同戰機開戰時，佢突然響起，當時的感覺真系好正好正，配合埋一D炮火車，真系感動到不得了！！那時真系唔想咁快炸咗部機的。
另一首戀之抑止力都OK，不過放日語歌在MGS上就有點怪怪地，鬼妹仔PAZ唱架文歌，系有點怪的。
美版出咗，我應會在美版上重新打一次，雖然大冢明夫的聲音我很喜歡，但SNAKE還是講英文比較好。 -
#3
..個游戲絕對系好玩啦，成餐飯就系掛住玩，同我講話都吾够5句！
魚對你十分好，所以我早就當魚系你條女噶啦～ -
#4
扁你！
-
#5
好玩咧！～～期待埋只軍服喇！！我就十分期待！！不過冇上色圖睇！！貌似有長槍做配件！
-
#6
ELLJAY 甘你一定要快快去体验联机游戏了~ MGSPW唔玩联机（包括协力+对战），等于先玩作哩个游戏噶50%啊~
我都系经历过MGS3之后中意BIG BOSS多过SOLID SNAKE~ 可能觉得BIG BOSS更加MAN吧~ 特别系本作真结局最后组成OUTER HEAVEN时噶气场~ 哇~ 我都要入队了~ 笑~
控制塔最顶层主题曲响起确实激动，令我捻翻当年玩MGS3时最后BIG BOSS VS THE BOSS时场景 感触万分~
其实我都系从英文版开始接触MGS系列噶 今次唔系因为日版声优强大 都懒得一发售就开始玩 不过PAZ啊KAZ啊你都知距地两个声优几大牌啦~ 但有机会都系体验下英文版把声啦 不过MGS总部（http://bbs.mgcn.com/）上面研究过话似乎冇MGS 4中表演好喔？？？
快稳人广州联机吧 等我今年下半年正式毕业回国一定稳你挑战 哈哈 -
#7
奇怪
俺有不少图 看不到呢 -
#8
双手持枪姿势唔够专业~ 哈哈哈~ 估计都系手型唔够啦
-
#9
如果我買唔到會來找你麻煩的了,哈哈哈.
我覺得太大隻了,想搵隻公仔比佢CQC都唔得!
如果順利入手就真係想換左個背包佢,反正咁大隻用1/6個D問題都唔大.水壺反而無計. -
#10
我地呢邊被大CUT單了，希望你有需要時仲幫到你啦。
你找艾爾給他CQC吧～～～～
背包要換可能好難了，你到手就知～ -
#11
原來已經發售了阿
這款下星期就會到我手上 將會是我第一隻SNAKE 到時就可以擺出SNAKEING的姿勢了
BIG BOSS!MSF万歲 -
#12
Cyclone
全世界都派晒貨了。
另，是Sneaking...... -
#13
正到痹~~
打印版本
推荐本站！