五
18
6月
2010
天馬座星矢 ［TV初期版］
聖鬥士星矢，天馬流星拳，經典到不得了。讀小一小二時都會在街上幾個男生追打大叫天馬流星拳！
聖衣神話玩咗幾年，大家都期待緊呢一日，希望有一只TV最早期的頭盔版天馬座（當然還有另外四小強），等啊等，終於等到！在感情上真系好滿足，好感動的。加埋只［天馬座的幻想］，希望大家睇得有FEEL D。
第一感覺真系好緊要，當年我系先睇漫畫，車田正美筆下的青銅聖衣十分簡陋，而天馬更系好似咩都唔著咁完全無睇頭，可以話系樣衰，心諗主角點可以系這樣的。後來TV版一出，即時驚艷了，天馬座靚咗好多，當然其他的仲靚（那時最中意天龍聖衣——貪佢有個龍頭，和鳳凰聖衣——貪佢有條尾）。在大家心目中成為經典的相信系動畫中的形像了。而當時呢部作品系漫畫和動畫同時行的，所以兩邊都無落後，兩邊一樣經典，我一樣咁中意！
講翻件玩具，唔算貴，我買咗270蚊。但就好少件好輕身，護心鏡、頭盔和裙甲系膠制（其實咁少件，成只合金的都唔怕啦）。
聖衣形態好靚，不能說他似唔似天馬，總之TV系咩款，佢就系咩款，而且顏色好靚靚！
側面睇最靚！
裝著上身，我呢只除咗一邊膝甲松D外都實淨，但實說外型就一般，主要系大肶太瘦了，而且線條欠缺一碌過。頭盔雖然幾貼面，但有點太大了。而肩甲亦太高了。
面相嘛，個頭系新的，不過唔靚，發型和表情都唔太掂，一定要戴住頭盔先睇得下。十成十佢又要出胸像啦。
著完聖衣後一定要打翻幾拳！
雙手畫出十三個星命點的方位，呈現天馬的形態（實說我睇唔出），呢個摸摸下的pose成位整個聖鬥士系列出招時間最長最經典的起手式！
呢個POSE至經典～！
天馬...流星拳！！！
聖衣的翼可以裝在背後，重現“天馬長出翅膀了！？！？”的場面。那個頭.....梗系無咁靚啦，呢個系胸像的。本來個頭，在下面......
呢個頭，一張相算了，睇得多會破壞感觀和感情。
頭盔又系經典～Foever Blue～～～
後記：唔使講嘢，唔理出品如何，呢款初期天馬座，無論你系咪玩開神話，只要你細個時曾經中意過聖鬥士都唔應該錯過。經典程度爆燈的嘢，點可以唔擺翻只喺屋企！
天馬座的幻想
15 评论
-
#1
哈哈 最近哩度UPDATE噶野真系得我欢心~
隔着好多年冇玩圣衣神话了 好似收左冥白羊之后就脱离作哩个坑 后面D作品神圣衣啊冥三人组与其话唔考虑倒不如讲冇机会入手~
今日星矢带头重新做TV版原创圣衣感情太多了 我捻同龄人心中印象最深都系哩款从银河战争篇一直打到黄金圣斗士篇完结噶圣衣了吧 原来哩5小强唔只生命力一流 都可以带来商业神话 不愧系圣斗士星矢啊~
最后一副天马座头盔噶相让我想到片尾ED FOEVER BLUE时最后一个画面~ 罡！！（正 X4）
PS: 又见ELLJAY入手DMC 4噶DANTE & NERO~ 又系另一个我中意并擅长噶游戏系列 期待UPDATE!!
-
#2
和也，
有人喜歡便好。
TV版聖衣真系好多神話玩家的“天馬座幻想”，一直想佢推出，今日終於如願。
的確，呢套聖衣真系最最有FEEL的。
DMC4的一對玩落不錯，遲下會介紹下的。
近期還有好多玩具都無時間玩同影，D老變和SHF連玩都無時間玩，希望快點可以影幾張寫幾句，咪先拖耐咗我又無咗回事了。 -
#3
我等佢好耐喇，在我心中佢先是我最想要的星仔。。。可惜呢排比人斷糧，得個睇字。。。
-
#4
仁，但平过买美系卟，270人仔，我觉得呢个款的天马座，唔玩开神话都应该买只。
嗱我唔系話佢出得好啊，只系話個LOOK經典 -
#5
呢隻TV版星矢的確有好深嘅回憶，但當商品化之後，俾唔要我買嘅働動，第一：面相目無表情
，又無頭换，無咗星矢嗰種"熱血"感。第二：面相好似又返番去初出神話嘅時候，好似之前嗰隻白銀聖衣(唔記得名)，個樣真係同紙扎公仔無異，呢隻星矢都好唔到幾多！第三：而家Bandai係咪當我哋班玩家傻架，一隻件小，質數又差嘅神話要賣到$320~$380？雖然話送什麼假人馬嘅"現金卷"，但香港用唔到喎…！第四：星矢實在出得太多喇，唔計"限定"，我而家都已經有成4~5隻星矢喇…！想問吓Elljay兄，胸像或者新生聖啲頭可以换落呢隻度(帶頭盔)？可以嘅話都會考慮買番隻玩吓…！ -
#6
当时 觉得是俺第一只神话...
现在...可惜他的脸 -
#7
豪鬼，
所以我話［唔理出品如何，呢款初期天馬座，無論你系咪玩開神話，只要你細個時曾經中意過聖鬥士都唔應該錯過。經典程度爆燈的嘢，點可以唔擺翻只喺屋企！ ］
HK咁貴咩？我呢邊270.
因為頭發和卡位都系特制，所以唔得。 -
#8
面相我真系覺得問題唔大，玩開就一定可以接受，呢種面相都在水准之中，我只系覺得免冠的話頭發唔好睇。
表情了wor～除胸像外，只只都系咁上下啦。 -
#9
嘿嘿，唔好忘記我呢邊買美玩比你果邊平太多。。。
我有玩開神話咁，唔多影啫。隻歌嘛，我反而覺得結尾曲更加有feel，我唔知你細個有沒咁既feel，就是一聽到結尾曲就好唔捨得，好似聽日沒得睇咁。。。
而家d動畫根本就唔會再有呢種感覺。。。 -
#10
唔理出品如何，这一款一定不能错过！
-
#11
我地呢边边数有270啊?
-
#12
仁，
你提起我D傷心事了，我又毒發了，不過我入了幾只Loose，遲下有時間再影下嚟俾你鑒別下～
講開套動畫，正，正系正的，我寫呢篇的時候睇咗好多次OP，睇極都唔厭。
ED都正的， 不過呢首經典D，所以放喺度。
Dickson，
笑說一句：呢只真系垃圾都要入啊～～
阿潮，
咁我估我買可能唔同街價的......有朋友幫手嘛。 -
#13
俾你引到我想入番隻玩下....
-
#14
hathaway，
经典角色经典款色，一入无妨。话晒好有代表性。 -
#15
好難得時至今日，有一款神話令你贊多過彈！細個追漫畫果陣仲未知與卡通版嘅區別，仲一心期待呢款聖衣響漫畫登場。 話實呢款同之前冥王神話果款除咗頭盔、顏色，其他部分查實係咪一樣？
講起又講，漫畫版仲有一款頗怪異嘅"過渡性質"天馬聖衣，係大暗黑四天王之前紫龍用血令佢復生果款，記得嗎？你估神話會唔會夠膽死用乜乜限定出呢？
see: http://farm5.static.flickr.com/4123/4760136965_b90e5e5913_b.jpg 
打印版本
推荐本站！