二
20
7月
2010
蒙面超人龍騎 @ RAH
龍騎
變身者：城戶真司，與鏡世界的赤龍定下契約，可以變身成蒙面超人龍騎
對於我來說，這是唔好睇的平成拉打之一，雖然外型完全系易接受的，但未免外型設計太行貨了，主角也如此沒有特色，甚至可以說是有點簡陋。如過不是劇中有無雙龍的盔甲和武器，又能變成生存模式，他實在是全無睇頭。RAH當然唔好指意會有什麼武裝給你，完全就是基本形態基本武器。
這騎士大戰被美國引進翻拍，我唔睇都估到應該幾肉酸下。都算了，這龍騎有RAH史上最難睇的BOXART，十足老美風，再加小小國產FEEL，核突到無人有。市上呢只有散貨的，如果你唔在意外裝的話，那也是一個平價的選擇。但我一早訂落就無得傾了。
還好公仔本身並不惡啃，之前睇官圖的雙手太幼和何B突出的情況並不明顯，完全接受到。而且成體的QC很不錯，基本無問題。膠衫的紋路貼得好完美，而且彈性極高，基本唔影響活動。出來的效果都幾好。
身型有點瘦就真系無計，RAH BODY都系偏瘦型的，而M記呢次已經在膠衫內再著多件部衫撐大，頸位亦自帶海棉包厚。但我是有點不滿足的，再加粗了頸位。
眼部是令我比較不滿的，頭盔內的復眼雖然是和其他RAH打拉一樣是獨立的零件，但因為面具的橫間太粗了，令裡面的復眼基本看不到，實在無癮。不過如果玩家有拆開頭盔，你會發現這完全是准備給你做加燈改造的。相信HK好快會有著燈土炮頭賣了。
龍召機甲做得幾靚，金屬色塗裝，刻畫得幾好。
以換件方式表現開合狀態。在開啟狀態是可以插入卡片。
卡片有五張，分別為不同能力和武器：降臨、武器降臨、守護降臨、噴射降臨和最終降臨
腰帶的插卡裝備完全再現，卡殼可以整個拆出。
因為所附的只有刀，那我只能使用卡片武器降臨了。
龍騎刀由赤龍尾巴變成，做得好靚啊～～～LOGO都好清晰，硬膠制，小心劈斷就是了。
最後召喚出赤龍，使出必殺：DRAGON RIDER KICK
我已經影過太多RIDER KICK了，呢次就唔踢了
後記：質素唔錯的一款，只系角色本身太普通了。而被老美買下後又來一堆RAH品，已經公布的有黑龍騎、夜騎、白虎、王蛇，可能仲有，大佬，點買啊～～～～～
來緊還有W和FAIZ，平成拉打就差劍了，快點公布吧～～～～
另，之前有舊品HYPER HERO的龍騎介紹，有興趣可以回顧下：
http://www.elljay-hobby-collection.com/2010/01/06/ryuki-hyper-hero/
Alive A life オリジナル カラオケ / 仮面ライダー龙骑 松本梨香
8 评论
-
#1
如果佢出白鳥，我實買
-
#2
都系覺得身材怪怪地咁！～～
-
#3
TOYGEM大，
好難講，話唔定M記真系癲到出齊人的～～～～睇個勢好似有排出。
魚，
呢只OK嘎啦，我收貨 -
#4
其實個包裝同美版無關，如果你見過美版龍騎的玩具，你會發覺美版果d甚至好好多。。。
-
#5
国内都有拍《铠甲勇士》~ 唔知几时出公仔~
如果出作哩度一定要做REVIEW啊~ 哈哈 -
#6
仁，
唔系嘎，個包裝真系美版得好交關嘎，個面都算了，打開同背後仲美.......
和也，
那套早就有公仔啦，6寸和12寸都有。果D邊有我地呢D人買嘎 -
#7
有沒相睇？反正就算是爲左美國市場，都註定死。。呢邊根本沒人睇
-
#8
無影個盒啊，本來想找些網絡圖給你，但都已經失效的。
你系咪有興趣先？有我就另外影俾你去點相啦 
打印版本
推荐本站！