二
12
10月
2010
Drift @ Generation 3 Deluxe
Drift，IDW漫畫中最搶眼之一的新明星！原是殺戮無度的狂派劍客，後希望改過自身離開狂派，在博派陣型中獲得一次新生。
Drift獨來獨往，處事謹慎，謙卑有禮，拒絕使用任何槍械，腰間掛著兩把短刀，而背後背著Cybertron星的古代長劍，非萬不得已時絕不抽出。
上下兩圖是Drift在Cyertron時的形態
到地球後，掃描一台有紅色拉花的白跑車：
G3話咁快將這型仔劍客實物化，而且仲非常不錯！而我遲遲不入的原因，一來是有點介意車門上畫蛇添足的［侍］字——老美們總是以為加個大只漢字就好有東方味........二來是想等等日版希望會有更好的版本。
但後來見到越賣越平，又公布了同模的Blurr，為想盡快湊成一對，便不多想了。
跑車外型我覺得好OK的，變形所需而產生的接縫亦安排得很順眼。
變形簡單直接，雙手雙腳的安排算是幾有新意，亦是一件我常在手中來回變形的爽快家伙！
人型算是十分靚仔了，除個別細位上色外，已經還原到漫畫中大部份的形像！ 但會有小小問題的就是心口略嫌太細了。而那個大大只的［侍］字，所幸在人型時並不顯眼。
可動性方式，雙手好得！但雙腳就比較硬直了，而腳板沒有接地關節比較輸泄。
車門變成刀鞘，收納兩把短刀的設計是最正最令人驚喜的！而雙肩的造型和線條好好靚！
長劍為無色軟膠，色澤不足之餘，仲軟LAI LAI，成日變到彎晒，仲刻有［天下無雙］四字，實在是和車門上的侍字一樣咁怪。把長劍真系扣了不少分。
日版可能會是這樣........................？？
後記：Drift並不完美，不過確實很好玩，外型亦夠靚仔，三刀流的變形金剛亦十分稀有，各位趁依家平，買翻只啦，不會令你失望的！
過幾日，等我影埋只同模repaint的Blurr先～
不過後來.............入了日版
评论: 8
-
#1
唔是話要入日版咩？^ V ^
-
#2
还有蓝色的呢？
-
#3
個角色設定集「一大抽」討好元素於一新，
想唔紅都難啦。
我同意呢隻好玩，不過又係一句，
角色令我對佢有期望，
實物到手，係有D 失望。
百幾蚊，
平心而論，算係一只中規中矩好物~~ -
#4
你话日版可能唔出嘛。。。。仲好讲。
再有KIN话可能漫画会向玩具屈服，又会加翻个侍字落去~~
而且见平咪先玩为快咯。
小恩，
急先锋，好快会介绍。
Garycharm，
我本来就无咩期望，所以又无失望。
如果下盘可动劲D，就真系好好玩了。 -
#5
虽然我还没开盒玩，但是看多看久了，开始觉得腻咯。个人比较期待他的前身—Deadlock。如果Deadlock会被开发的话，相信会比Drift来得更有型更霸气~！
期待你的Blurr review啦…… -
#6
日版是出，但從其公佈的圖，明顯只是美版而已，估計如我同kinsir討論的一樣，就是日版沒版權，但可以出，不過是美版加日標。。。
-
#7
Vaz，
嘩～如果真系出DEADLOCK就正咯，不過一定要用V級出先好啊～～～
阿仁～
Yeah~~Give me Five~!!! -
#8
好郁闷！！又畀你毒到应一应！～～睇嚟我出坑冇望！
打印版本
推荐本站！