六
23
7月
2011
Megatron @ DOTM Voyager
特意留待睇完電影後才介紹的V級麥加登
DOTM中麥加登出場時非常墮落，爛身爛勢，一件破披風用來遮住個爛頭，滿身爬蟲，個款勁慘。但身纏鐵鏈背負SHOTGUN又多了分硬漢形像！
原來數百年前與Sentinel早有合作計劃，但我覺得這個才出來的故事實在有點牽強了。後來利用柯柏文使Sentinel復活，啟動太空橋欲將斯比頓星傳送到地球，將近成事之際居然俾條女幾句話講到倒戈Sentinel，後來又因口多反被柯柏文斬殺.................多一句，柯柏文在DOTM中又是飾演了屠夫角色～～～～
電影不多說，雖然沒有交待為何變成軍事卡車，我亦對其變卡車有點不滿，但這只V級玩具上的表現又確實唔差。
車身細節如鍋釘、鏽痕等都表現得算是精細，細節豐富，但前提你幫佢稍作上色加工，否則一切都是白費。
掀開破布便是一個完整的油缸
半截油缸是Mech Tech武器，可裝上車頭。
變形簡單而好玩，人物形像在未睇電影前覺得好正，電影後便發覺大問題了：身型太瘦都算，條鐵鏈和Shotgun去咗邊！？！？
無辦法，只能另外配給他了。
麥加登一向電影版玩具都怪型怪相，這次難得顯得四平八穩，有無多少不習慣？那麼件破披風可以幫到你了。
破披風我在兩個插位做了個小卡口，可以令其不會松脫，但相又唔記得影.........
以一台變車的變形金剛來說，這個平整貼復的背部都幾難得。但這對於麥加登來說並不是好事，因為又顯得太單薄了。
Mech Tech武器可以展開裝在手臂手，又可以［扮G1右臂大炮］，這算是不錯，但比起這個，我更寧願俾翻支Shotgun我。
可動性算是很不錯，除了上臂基本不能橫舉後，算是應有盡有。
解下披風，看看要遮什麼醜。
爛頭有所表細，但其實還不夠爛的，電影中他可是半邊腦袋都沒有了，後來還要被Sentinel再撕碎了一點，ending又被柯柏文從中間劈開。
呢個佢個頭真系陰公的～
其實我幾喜歡呢只麥加登的，各方面都幾令我滿意，最近要是兩個形態都幾有型，雖然未夠肥壯，但這類外型應是容易使玩家接受的。
又因為佢，我才買下一只ROTF的V級文，DOTM的V文我實在頂唔順，覺得完全唔靚，那唯有這樣湊成一對吧。
順帶一提，呢只舊V文雖然上色不太好，又系要自己補色的貨，但佢的變形結構非常精致呢！！！值得一入嘎，有機會我會介紹的。
後記：DOTM玩具我目前入得並不多，有耐心的可以等日版，因為AMAZON上的日版圖真系靚很多，不會再是日版包裝美版餡，是該銀的銀晒那種。
再有，SDCC展上HASBRO公布了Q1 2012會有L級MEGATRON，正！！！幾驚佢唔出！
再講回小小電影，除了阿凡達，我覺得所有3D電影都系呃錢的，最呃錢系魔盜王4，而DOTM的3D又系多餘的，完全無FEEL。套戲編劇上的點混亂，但還好全程無悶場。
SHOCKWAVE表現一開始好有驚喜，點知後來被人類去咗50%HP。星星叫就仲死，兩件小道具就玩完了。最後的大帝麥加登，被小女人教唆都算了，背後開槍打Sentinel都算了，點解最後對白如此充滿基味，嘔心到柯柏文用幾秒時間完成了戰鬥～～～～我未睇夠嘎大佬。
最後，我暫時沒有興趣睇2次～～～～～
评论: 18
-
#1
你是睇一般3D定IMAX3D？IMAX3D我覺得好掂啵，尤其我是坐中間前兩排的位置，臨場感好夠啵。。。
又，呢類爆米花電影，就唔好咁多要求喇，效果夠已經唔錯。。。 -
#2
好多人 唔喜欢老麦 俾条女 教唆哩个情节——
其实俺觉得没什么问题，这只是导火线罢了。之前消防伯伯挑明老大是自己，然后扔了老麦下楼；最后连渺小的女娃娃都看不起自己...火上加油。于是，趁机偷袭！
俺也在等待更好的两个L级老大呢。 -
#3
一直心思思，听你讲有L级，到时睇下点先。
讲到电影，我系睇流出版本的，同感唔会再睇第二次……同埋拜托唔好再拍第四集了，不过有消息说正在筹备了，导演和男主角换人……
讲到近期变形金刚，建议jay找动画《TF prime》睇下，你会开心好多，暂时去到S118集…… -
#4
我一直也油不落手...因為怕油到鬼五馬六...可唔可以告訴我是那種油呀? 還是拆件噴油的?
老兄, 其實我深信就算正廠唔出, 其他廠都會出大麥同大波的, 當然孩記肯出我會有點其望.....但千其唔好出到亂哂龍...希望佢好似大星星叫咁由日本仔專家細心研究出來.
電影真仆街,...我批評到係討論區都比人封殺....
3d可以說是完全騙錢手冊.
角色造形係正, 但故事內容完全垃圾.
麥加登在我心中是神的地位....唉!! -
#5
仁，
我無睇IMAX呢，市區無IMAX影院，又無車開，過去太遠了。
我對DOTM期望好高的，因為個個都話最正呢套，應該是我期望過高了，雖然說不上失望。
小恩，
你都講得好有道理呢。
勇記，
L級還L級，V還V嘛，呢只唔錯啦我覺得。
第四集～～～～唔好玩啦，麥加登都死咗了，我唔想再睇換人了。呢次連個老豆都換埋。
劉波，
不油也OK啊，盡玩咯。我用COLORSHOP水性油手塗，不拆件。
至於民間廠，應不會了，我亦不覺得民間廠出得太多太雜會是好事，現在的景況已經有點不良了。
電影好壞人人心中都會有不同，亦無須言語過激或要人認同了，這根本是無所謂的。 -
#6
尋晚睇完齣戲我先敢入嚟。基本上DOTM我滿意了，可能事先心理打曬預防針，結果如你話齋，冇甚悶場，該有令人睇到high high哋嘅場面都有，完全收貨。至於情節唔合理亦無謂駁古，作為三部曲終作，結尾結得恰恰好。
就係本文主角慘啲，佢無可置疑係史上最無能麥，今次祗賺咗個風塵造型，都幾型，尤其幾中意佢非洲原野初登場嘅氣氛。
你眞係油得超靚！昇咗唔知幾多個le！！本來個模造得咁正，起碼要配番咁嘅上色先啱！ 好靚好靚！！ 得知佢會出L class，咁我安心等好了，希望可以還原番老麥應該有嘅壯實。 -
#7
又，sam爸冇換，留咗須咋，所以睇起身冇咁可愛～ XDD
-
#8
我的目標是 大麥, 大波, 大星星叫 配 d 音波.
博派就買飛行大炮文同辛特龍ONLY...其他無咩興趣. -
#9
大家好，其实之前潜水很久了， 真得很喜欢LZ的blog,这只老麦我也入了，还没时间上色， 不过大大你上的很好啊。。。超喜欢！
-
#10
剧情垃圾到无晒嘢讲，老麦同星星叫变左智障
-
#11
kin，
我都睇完戲先寫DOTM的玩具了。我談不上失望，只能說未有預期般的精彩。但我和女友都無咗第完1、2集想即時睇多次的慾望。
麥SIR未算慘，我覺得鐵皮先慘。但那段劇情系最吸引我的，雖然明知sentinel會叛變，但估唔到系以呢種形式開始，當然睇到我口都大晒。好嘢！！！
信我，呢只V麥實物唔打燈會更靚D～～～好多網友的意見都系太油太光呢～～～無法，打晒大燈咁型，咩都反到光。
sam dad你講無換，我再諗都諗唔起系舊老豆？？
沖一郞，
你好啊～多謝你喜歡呢個網。
我亦到你的YBLOG睇咗，你系模型友WOR，我呢D油上系好求其的～～～
御姐控
我自己上文是否批得好勁？引來咁多電影批評的？
XD -
#12
这一只麦sir真的是DOTM的精品来的，唯一的遗憾就是比之前的V级都小了一号。我也是买的ROTF的V文来配老麦，但是都不能站直放在一起，否则老麦肯定要矮一头……真是有点郁闷啊……在我印象里，老麦一直都该比文高大才对啊……但是DOTM的V文真是要多丑有多丑，国内国外都骂到掉渣，看来完美的东西真的很难找啊……
不知E大入没入些D级的呢？感觉除了狂派的曲轴箱还有星星叫，其他的都好一般啊。尺寸比以往小不说，涂装也不怎么样，可动性似乎也都一个级别，尤其是手肘手腕都不给转动关节真是让人气节，更可恶的是球形关节都好松，不垫纸就定会扑街，也不知道是我运气烂还是真的有普遍性。
而且不知道E大有没有这种感觉，似乎DOTM系的玩具里，狂派的设计似乎都要比博派好很多啊，不管是在V级D级还是指挥官级，甚至在传奇级里都是这样……不知道这算不算是孩计给这次集体便当的狂派众一点补偿呢？ -
#13
索羅門
你好
我對這只MEGATRON幾滿意的，同意是精品設計來，就系上色差。如果他日有更好的上色版本，呢這款真的不能錯過。
V文就真是很令人失望，完全頂唔順，所以我才特意買回ROTF的V文，你有無這款？好精彩的設計呢。
D級我暫時只入了上旋，感覺不是太好，對其他的款式亦沒有太大好感。不過你提到的星星叫我都有留意的，暫是覺得星星叫都幾唔錯，但都系會等更好的配色，特別是有了ROTF L級後。
博狂兩派的設計高低差我都有同感。但我覺得主要是劇中角色安排問題。如博派來來去去都幾得那幾人，玩具又要有新花樣，那原來ROTF中已經設計得很不錯的款式又改這改那反而更差。
而狂派不斷有新形像，靈感會更豐富吧。 -
#14
我都好中意黎只麦SIR，睇你油完色，又毒左好多。因为我都入左ROTF嘅V文~~~
觉得铁皮好惨咯，竟然死向御天敌手上，毛意思。宁愿好似20周年大电影甘死相麦sir手上，英勇就义都好过无啦啦领便当啊。
我期待紧DOTM嘅声波，dnio等一众靓车嘅玩具。
-
#15
snake
我覺得你必需要入，只需要考慮是不是等更好的配色而已。
鐵皮死那段，我直頭O晒嘴。
音波我反而麻麻，那只HA級嘛，暫時沒有好感。
DNIO是哪款？？ -
#16
DNIO系红色过不法拉利~~官方话系幻影~觉得变3 V级别可动度大幅增加，就系OP样衰左甘咯
麦sir果然好介绍，正~！！！ -
#17
Snake
這是我少數入手的DOTM，到目前為止我都沒有再買其他。
話時話，你買咗未先 -
#18
准时入左啦，而家睇返你而家好似日版，哈哈哈哈
同埋想请教下你黎只嘅涂装，你用咩色，点样旧化，简单将介绍啦 
打印版本
推荐本站！