Masked Rider Black @ RAH DX

 

蒙面超人Black,其實系我第一套睇嘅拉打片,仲系斷斷續續咁睇,在BLACK時我有印象深刻的系影月,到RX時部,見到光太郎變形動作超多超複雜,學都學唔黎,才對這個主角有深刻的印象。之後就.............丟淡左,因為兒時沒有BLACK的玩具,而選擇了大家都很記得的一套三式的RX裝著變身,當然了,那套東東可能十幾二十年前就已經唔見左了。到後黎見到Hyper Hero嘅Black,先重新覺得原來Black系咁鬼靚,便成為一款令我十分期待會出RAHDX的拉打。 依家終於等到啦。

個盒好鬼靚,但因為外盒封左膠套,所以正常黎講個個買都好似抽盒蛋咁。 可能係我一向好彩,往往買呢類RAH我果只都無乜事,又或者係我要求唔高啦。 但中招嘅情況由網上反應黎講好似都係55波,我果只雖然無QC問題,但左上臂的老鼠仔外甲入得唔正,真的費了我很多時間和功夫先搞翻正。 而呢個左上臂外甲唔正嘅問題亦好似中招率幾高,各位Good Luck了!

 

成件RAH個型其實未算好靚,因為條頸實在系太短了,而個胸又太大太厚。 雙手包左兩舊膠表現生化肌肉,型系唔錯,但太厚嚴重影響活動,加上上臂外甲頂住,如果唔搞搞距連90度都屈唔到。 腹部同大肶上方的肌肉系假的,係出面條大底+腰帶一take過的,不過又真係呃到人。 不過膝部後面就真係太假了,那個肌肉部份居然就油一條褐色算數。 這些部份的表現,我就覺得Hyper Hero比較有心了。但當然,彈左咁多嘢,這依然是目前最出色的一款BLACK,我亦很喜歡。

 

 

 

 

 

口部滲了線做了舊化,效果麻麻但可以接受。

 

 

個頭盔嘅接縫位就收得好好,基本睇唔出,但紅黃條紋就因為分開前後位上色而有接合得唔夠齊嘅情況。

 

手部和腹部D膠套做左裂紋,一來無咁齋,二來以後真係裂左都唔多覺(好似很樂觀嘛..........)。 但手部的肌肉膠套上面的一條條系貼上去的,鬱得多小心甩,我已經發現兩邊各一條甩甩地,但痴翻無事。

 

變身腰帶亦跟翻口部做左舊化,一舊膠過,如果有D分件做的話就精細得多了。

 

可動性就唔算高,手部兩層膠,回彈幾厲害,HIP位又俾舊膠大底頂住,抬腿亦只有約80度。 但玩開RAH都怪啦,距就算幾鬱得都唔太敢粗玩,距咁易斷手斷腳。

 

招牌POSE都可以應付,咁就夠啦。

 

 

 

 

 

 

 

霹靂鋼錘!

 

雷霆飛腿!

 

只影月.....系早期的Hyper Hero,都唔差吧,當然,那隻是SIC大小的東東,PS拉翻個比例姐。

 

 

影月同RX都係HYPER HERO,又係低B假圖,不過,數月後就可以齊人了,睇下RX會唔會應募埋生體同體體。

 

後記:遠沒有上一款BM電王那樣出色,但感情分加晒,實在有太多人中意BLACK了,TW俾人洗版洗左2日,真系勁。我當然亦好中意啦。

 

 

*****************************************

此後,我又做了一些改造~

為解決頸短問題,參考TIN的教程,削薄頸口位,在頸內包了海棉貼紙加粗,依家成條頸出翻黎。

以下系TIN的教程:

http://www.toysdaily.com/discuz/thread-78974-1-1.html

我已經feel到只Black不可以再受多一次折磨,咪先命仔都短幾年

 

 

 

Write a comment

Comments: 2
  • #1

    聲波 aka 音波 (Wednesday, 18 November 2009 00:43)

    引我呢d買唔起RAH嘅人 T T

  • #2

    yesfour (Tuesday, 18 September 2012 04:29)

    您好.我是台灣的玩家.想請問您這隻皮衣保存至今不知有損壞的狀況嗎?謝謝