Masked Rider Black RX @ RAH DX

 

 

 

 

RX真系經典來的~!

 

昭和拉打的第11人,當時唯一拍續集的拉打(當然現在有死不斷氣的電王),第一個靚仔做主角的拉打,第一個班馬用矛招的拉打,第一個自己唱主題歌嘅拉打,我細時第一套睇的拉打片(不是BLACK,是RX),他真是經典來的。

 

故事一開始講光太郞被古羅斯帝國破壞了變身機能卻又因光太郞體內的皇力鑽吸收了太陽的力量而變身成Black RX,呢下又好鬼神。但套戲的細節我已經唔記得,但令人講來講去的不外乎是RX那令人眼花撩亂復雜到嘔的變身動作(有無人識做晒?)、怪人只在RX能吸收到太陽光的大白天出現、打下打下抽把劍出黎隊死對方、飛蝗號識講嘢、雷龍號居然系自己製作仲有生命、可變成Bio Rider和Robot Rider、變水打唔到變機械打唔入超矛拉之類~~~好似越數越多。啊~那些就讓它成為回憶好了,睇翻件“好經典”的玩具~

 

Medicom唔知系唔系發瘟,出來的大貨居然和展品及盒圖完全唔同,比例什麼的就唔講了,最最明顯就系腹部太陽板與官圖相比完全就系換了一塊簡裝版(這個原諒佢,因為見有D劇照及造型照都系目前這個簡裝版),以及腰帶足足細了一圈,十分難看。是否在生產時原來果條俾人偷左去........條褲,雖然劇中也不是著皮褲(真的不是著皮褲),也是著光面的針織料,但實物就做成很令令的像襪褲般的質感。確實不能做成劇中的效果嗎?佢條褲令我覺得好奇怪,舊RAH、Hyper Hero和今天的RAH DX都是用極類似的質地做褲,次次都俾人痛罵,改不了的嗎?

 

原版真系令人十分失望,咁又只能對距進行大修。參考了很多網友的方法,我作了如下修改:·改短頭盔內頸部令距唔頸長·cut開頭套令頭部可動·偷薄胸甲內部使胸甲墮下·用海棉加粗腰部、HIP位及大肶·原腰帶改長·全身甲滲線加陰影。改左咁多先見到目前的效果,想睇翻本來面目及改造過程請按下

 

 

 

頭部我就覺得稍微做長了,如下巴位再短小小就好了。

 

 

 

呢個標誌性的頸套如果唔CUT開的話頭部只能向前望。反正劇中也有從領口分開的劇服,我也切開吧~

 

 

 

依家個頭想點郁都得~

 

 

 

 

 

 

 

 

 

 

 

看這個簡裝版的太陽版和小童用腰帶。腰帶的兩粒石無分件制無用透明件就咁上色就確系抵鬧。但還好佢識趣點沒有忘記加了個透明膠蓋在外面,有番小小層次。

 

 

 

RX的變身動作,我實在無法一一重現。可動性方面因為衫褲都很薄,而手甲亦留有足夠空間所以並無受多少限制,活動性比Black好很多。太好了,終於找到一點可以贊下。

 

 

 

 

 

 

 

 

 

 

 

 

 

 

 

 

 

 

 

 

 

 

 

這可不是RX風雷電,而是RX常常做出的奇特跳躍動作。

 

 

 

好了,佢好矛咁抽左把劍出黎,仲要對方夾在格勒底扮中招.....幻影激光劍附有實體形態和用透明件做的發光形態兩個劍刃。

 

 

 

 

 

 

 

 

 

 

 

 

 

 

 

 

 

 

 

幾招搞掂後的收工動作~

 

 

 

在看那個史上最短劇場版《世界驅馳》前我一直為4個形態的Black會一齊出場的劇照感到很奇怪。果條短片唔使睇得明,睇下幾個形態的Black點樣打群架就是了。

 

 

 

之前的BLACK我很喜歡的,當然,我也為他改了很多。雖然目前的RX缺點更多,但改造完後我竟覺得佢比Black更有型.......我也有點佩服自己這種心情。

 

 

 

間唔中自己動手改下玩具系樂趣黎,但如果Medicom下下都玩家自己大執的話,就真系很令人失望和無癮。雖然今天我還是偏好於M記多一點,但如哪一天其他大廠也出12"蒙面超人,M記你真系實玩完~

 

後記:上面已經講得太多了,總之原裝個樣令人失望,改完後我亦很喜歡。唔知會唔會出埋生體和機體了。本品應募南光太郞,影月就應該在下個月出了,希望唔好出事才好。

Write a comment

Comments: 1
  • #1

    Asa (Thursday, 10 February 2011 07:48)

    你改左之後真係靚晒,我個人很鐘意rx,但未改前的原版上半身同下半好似兩款不同尺玩具痴埋咁.