Masked Rider The Next V3

 

蒙面超人The Next V3

其實背景就無咩好介紹,電影中出場唔過30分鍾。角色又無咩特別,都無咩好寫。早兩日已經睇左電影,覺得都幾無癮。 如果你系當拉打片咁睇,就實失望。但好在導演一開始已經唔想你當距系拉打片,距將呢出戲嘅精華部份拍成左日式恐怖片~唔系貶義黎,你真系當距系恐怖片咁睇會比較有趣。可能我細膽,睇完果晚臨訓前唔覺意諗起果只嘢,即時成個背後涼曬,起曬雞皮~~~~多就唔講了,無謂玩戲透,各位自己睇啦。 之前一直無心機去影呢只,後尾睇完戲先拎翻只嘢出黎玩,越影越多。

 

講翻件玩具,其他唔講住,我諗最大問題就係大貨出黎個樣同宣傳相唔同,連主色都轉埋。 左邊那個是宣傳相的那個黃綠色,開始時我覺得幾好睇。但發售後就發現變成深綠色,一開始真係唔多接受,好大整蠱。 不過依家睇睇下又順眼左~

講完只色,其實呢次BM交到功課的。 做得幾細緻,而且QC好好,我暫未發現我呢只有任何問題。

 

個頭呢~本來個設計就麻麻,宣傳相時眼細八字眉,俾我有種京劇醜角的感覺。但實物又好似唔多覺。 如果下巴用翻銀色就好了,依家好鬼膠~又拆唔落黎重油~

 

腰帶做得好細緻,左邊仲有果支棒棒,可以拎出黎的(劇中好似無拎過出嚟)。

背後Shocker標志。但睇到背後先發現其實件衫唔系好fit,背後完全不貼服的。但我的主旨是有前無後,由距。

呢前一共有4對手,算系多了,咁又有多D POSE玩下。

還好呢次不是用那個老土的V型手勢,咪先就搞笑了

 

 

 

 

 

 

 

新的這對手型真係好有型~~~

 

條褲有足夠空間俾個BODY活動,Rider Kick輕易做到而不怕爆褲浪呢下好。 以前玩1、2號好怕爆肽~以前玩1、2號好怕爆肽~

 

新淨的三人。 The Next1、2號就唔買了,新的系就系靚左,但同新淨的V3一齊又唔好襯,而且價錢都唔平。所以都係算了,咁樣我已經滿足。 反正以後The Third\The Fourth......話唔定仲有新version,咪先又搞只V3戰損就頭癮了。

 

 

打下交先~~~~

 

不忘舊款,咁對比之下,對於無睇過舊V3的我來說,我梗系中意新果款啦,型咁多~~唔知以後的Riderman是如何的呢?

後記:平心而論素質幾唔錯的一款,但去到千五一只就真系唔值。同期的RAH來說,我中意舊1號ver.3.0多過距,不過呢D嘢講Feel嘅。 我其實唔太希望距仲有續作,因為想慳D錢嘛。

Write a comment

Comments: 0