IRONMAN MK III

IRON MAN,鐵甲奇俠

一個幾老餅嘅美國英雄,雖然一路以來產品不斷,但我真系無中意過距,直至睇過去年5月的電影版~~實在太有型了!電影唔算太好睇,但型就夠了,我在睇電影時已經諗緊Hottoys會唔會出呢款1/6 figure呢?那輪DC有很多款6吋公仔,亦有12吋發聲發光公仔,已經手都痕晒,但仍未見HT有所公布。終於等到7月公布,一堆官圖已經驚為天人,實在系太正了!我亦第一時間預訂。又過了半年的等待,收到HT郵件話會在春節前發售,睇到店頭display果款改埋色添,就更有點等唔切的感覺。在發售的第二日,廣州到貨,我更興奮到第一時間偷雞出去拎。一出MRT已經一路小跑,去到店頭真系一額汗~~點知.....批貨未到店.......還好,老細打電話一問,原來貨車已經到左下面貨場,咁我梗系話即時落去摞啦!就咁...真系真正意義上的第一時間入手了。好耐好耐未試過為一款玩具咁興奮了,貴D都值得,呢種心情唔系下下用錢買到的~!

盒圖我無影,但真系好靚好豪華!加埋HT個靚紙袋,套玩具未開已經加左20分了!隔盒睇左兩只,差唔多,無咩明顯問題我就收貨了。然後就有了我幾日前那個office心急一影~

件玩具,全膠制,幾輕手(輕過個盒)。身型靚絕!全金屬色上色,基本上都幾靚,但有D細部的金色有飛油和小小出界,但都在不當眼處,我當睇唔到。頸部、腹部、腰部和手爭用左軟膠,色差並不明顯。各別部份有處理得未夠好的水口要扣點分,以及如果整體再令D就好了,依家未系好有電影中的金屬質感,鏡面效果亦不怎麼樣。有人話我知距凖備重新拋光...只figure體內系無body的,基本上就系一件膠公仔,少了一點玩12"的感覺。可動性嘛.....頭部單關節,抬頭低頭限制大,腰部有關節,但可動性很低,手睜只能屈90度。雙腳就與一般可動人型差唔多,基本POSE可以應付。Warxv兄講得好啱,既然已經無素體了,可動性應可以再花點心絲。說了好些問題,但只要你喜歡IRON MAN,我相信你是完全不會介意的,只要它出了,你就會買!而且,距識發光的!!呢下先殺食!

 

 

頭部亦時造型簡單但已經足夠有型了!而我看到它又會諗起令一位美國英雄:火箭人!面具不能打開是有點小遺憾,但距要做著燈頭都無計啦~3月的MK II會附帶一個開啟面具的頭部。我會不會買?唔了,有距就夠,MK I我都SKIP。

 

胸前的銀色機械結構很細緻很靚!

 

Arc Reactor唔系一個LED燈算數,而系真系做出電影中的設定,雕晒紋路的!著起燈黎仲加靚!

 

點啊?超靚呢?電芯x3在背中,開關在右背甲板內。

 

個Arc Reactor真系超靚!但唔好成日著住,唔太襟玩的,從16號至今晚,我發覺距已經暗左了,我只在影部份相時才著下,之後即時熄翻的。

 

 

Tony Stark勁靚仔頭一枚!實在系比之前的Bruce做得好太多!神似非常!但略嫌頭頂的頭發太厚以及兩側和發腳唔夠長。真系覺得距才值得我買套“官奇洋服”俾距著下...侍機...侍機...

 

 

 

 

!!!IRON MAN啟動!!!

 

 

玩具有好多可開啟的gimmick,電影中大部份表現過的他都做出了,唯HIP位和雙肩可開啟發射彈幕的地方沒有做出。

 

背翼可開啟,仲有可動關節添,不得了~頭和心口燈的開關就藏在右邊了。

 

腳部後方的機械結構十分精密!

 

手部飛彈就要彈下了~呢個實在系太簡陋了。兩支紅色支撐亦幾難睇,好心只嘢已經做得咁細緻了,那兩條支撐就做埋機械結構啦~

 

側身避開坦克大炮,再射出一支微型飛彈,那一幕我覺得是整部電影中最型的!

 

 

調節能量,心口都可以發射“死光”,我都唔知果D叫咩了。

 

雙手都可以著燈,電芯在二頭機後面,開關在前臂內側,無遮無掩,但絕不顯眼。

 

 

 

IRON MAN升空POSE就當然無問題啦~不過......

 

因為頭和腰都不能拗,做飛行pose就有點弱雞了~

 

 

 

 

不過招牌揼地POSE又屈到了,但又因腰可動太差,不多自然。不過都滿足了~還好...還好......

 

配件全部,三對手一個TONY頭,一個支架,但地台那個IRON MAN字實在不太好睇,點解唔用電影個金字LOGO呢?

 

我唔記得睇左邊段CG後,應覺得GG俠同I M MAN系Friend黎了~~仲有只綠巨人添~~

 

 

最後熄燈影幾張Arc Reactor~

 

 

 

後記:又要講好耐了,好耐無試過為一只Figure影咁多相,遲下應該會做翻1~2張合成圖的。件玩具雖不完美,但卻令人很滿足,可以日對夜對。至於過年擺出廳就無位了,IRON MAN怕細路的~~~

Write a comment

Comments: 1
  • #1

    lucastheluke (Saturday, 13 July 2013 09:53)

    Hope you can re-upload your broken image, great review by the way!