紫水晶Alberich @ 聖衣神話



神鬥士4等亮星 · 天權星 · 魔鬼紫水晶 · 亞比歷彼

號稱北歐仙宮第一智者的亞比歷彼,因為其財智用之不當而未能被希路達重用,暗中妄圖集齊所有奧丁藍寶石取代希路達統治仙宮。與青銅聖鬥士對決時用奸招將多人封印在紫水晶中,最終唔知點就死咗~我實在唔記得了。

星座形態幾靚靚的,真系如劇中無限相似,一支支水晶棟晒出黎,而底座亦有靚靚的水晶骷髅頭骨,拼裝起身亦絕不麻煩,算是砌得最輕松的星座形態了。






因為神鬥衣parts唔多,裝上身亦同樣輕松,亦很實淨!形態上可算是修得好靚靚。覆蓋率唔高,可動性十分不錯。附有一塊軟膠制的腹甲,目的是令腰部有更高的活動範圍,不過因為無電鍍上色而且可動性增加並不很明顯,只能算是有心但無乜用的配件,本介紹中完全沒有用到。

戴上面具後個頭都幾靚仔的,依家D神話好善于將頭發做在面具外面,使其更傳神!真系好嘢!如果以前那些都可以咁就靚晒了。(等胸像不是有了麼....-_-b)

但除左面具後就有D乸型了,包包面,乸乸地,神鬥士的面相是一如既往的遜色。





必殺技Nature Unity(精靈魔拳),其實呢招只要是張開兩臂就隨便你點擺了。



配有一把很靚靚的紫水晶劍——巴魯莫古之劍。什麼招式也比不上一件帥氣的武器在手!





再配透明材質的火炎效果配件,直接套在水晶劍上,又使出一招"炎之劍"



正正經經地玩完,其實本品配件好好玩玩的,火炎配件又可以套在手上,放下火,如果你中意的話,用寶貼放在嘴上玩噴火都得!




星座形態有多支紫水晶,拎支在手上投擲亦可~

將D頭骨同水晶拆出黎又可以當地台擺~

同件骷髅頭商量下擅位大計都得~

亦可讓他成為如稱號般的骷髅神鬥士!

後記:很好玩的一款神話,但我入手時就因為懶而完全沒有check件就俾錢走人,回家才發現面上和胸甲都有瑕疵,真是可惜呢。但心想反正往數十只聖衣神話中一放亦完全不會察覺,就懶得去換了~~

我最期待的,亦是神鬥士的最後一人毒蛇神鬥士杜魯快點來吧~~讓我體驗你那超級巨大身軀,連玩具櫃亦因為你而特意放高了擺神鬥士那一層的!!

Write a comment

Comments: 0