Batman "The Dark Knight"

Hottoys又一玩嘢之作~TDK BATMAN

經過數次修改,官圖、展品、大貨各有不同,不能說是越來越好,因為大貨比官圖靚但又比展品差。當然,好壞呢家嘢好主觀,而我就覺得呢件大貨好麻麻,雖然一早已經知道有咩問題,但當我開盒時果,我直頭系感到失望。唔系因為我只出左咩事,而系在我眼前的就系那只有很多問題的BATMAN,那些問題好似示威咁原原本本地展示在我面前。特別系未扭正BODY前那個肚腩,直頭好似有左身紀咁。於時,只嘢在我手上唔夠5分鍾,我還來不及看清全貌,就已經俾我拆晒,按之前的教程去改做了。上一篇講左就唔重復了。

改是改完了,效果系出來了,但要我揾什麼理由去贊美距呢?整個身型都出左問題就唔使講,膠衫勁痴塵又唔使講,件披厚而短,Cutting又唔掂都唔使講。咁........仲有啦,個頭,下巴同額頭都明顯被拉長至走樣,人樣那個我更覺得完全唔似。件胸甲個角度出左問題,所以顯得個胸太大,兩邊肩甲又唔夠貼。仲有,HT做手型好差,手掌永遠太大,拳頭永遠走樣。如果走樣?就系四只手指的第一節做得太短,令手背與第一指節的角度出現問題,大家自己握拳再對比下HT的手型就系了。當然,不知BATMAN,素體、鐵血戰士的手一樣系咁,超人好D。

我諗即使系個體差異,上述問題也不會都出現在我手上這只那麼黑仔。但如果我所看到情況確確實實地出現在每一位玩家手上的TDK上,咁仲對距盛贊咩呢?我就贊唔落口了。但再想想,膠衫回彈不嚴重系一個幾好嘅表現,其他的,暫時未諗到。

我眼中的HT就系咁樣,執著地某一樣小節細下功夫,做得好靚,但整體協調和比例就往往出事。就好似畫畫咁,整體感覺遠遠比細節刻畫要重要得多,我相信HT知道這個道理,但HT依然堅持住果份執著,從他不斷出現同一問題的玩具中就可以感覺到,又如那個同樣被盛贊的Batman Begins,那個過分地加長加粗的頸,和那個走晒身型的水桶腰,我不是盲目的。

咁點解我如此不滿仲要買呢~其實我真系打算放棄等M記那只的。不過早排跟朋友提過對呢款有興趣想要一只,而一段時間後距又話“老兄,幫你留左只”,咁唔通唔要咩。另一個理由就系,想學人玩下改做,感受下過程,睇下是否修得靚距了。

 

 

 

 

 

 

 

 

 

 

 

 

拍摄上系抄Warxv的http://hk.myblog.yahoo.com/warxv/article?mid=11752

但就没有他拍得好睇~~~

曾經在郵件中向HT咨詢會否出新版BATMAN,答日不會。我還在諗會否在BATPOD發售時加推一款鐵線披風版的時候,HT就告訴我們,只要買那台BATPOD,就送一件鐵線披風........

 

 

 

**********************************************************************************

 

TDK改造

 

 

 

 

 

 

 

未改前個樣

 

又系改完又改~過程圖無,反正網上大把,我都系學人改的。我就全改的,包括刨素體腹部、胸部和股位,拉入肩甲,CUT頸,CUT褲頭。但如果怕麻煩的話,只做其中兩樣估計已經有大改善:

1.CUT頸位,在頸部上下都剪出半圓,打磨與否沒關系,只是幾分鍾功夫,你的BATMAN就可以低頭了。
2.CUT褲頭,肚腩除了BODY影響外,還因為腹部有褲頭和衣服兩層,看起來就更厚,如果不想打磨素體的話,就將BATMAN腰部後拗,從前面拉出褲頭,剪下腹部位置的一塊,應能立見效果。
呢兩樣好簡單,不妨一試。

Write a comment

Comments: 0