Fullmetal Alchemist: Edward Elric @ RAH220

 

鋼の煉金術師:愛德華·艾力克

這應該是06年聖誕前後的玩具了,當時無買因為無睇過套戲對距無感覺,依家買翻系因為睇完套戲後好中意,不過唔系距,系中意套戲。當然了,愛德也實在是一件不可多得的RAH佳作,如果不是價格一路炒高我一早就購入了。還好又是那日本大店執粒,一個月前我可以比較容易接受的價格重新購入,可以買翻距已經好開心了,不過到今晚先的起心肝影下距。(其實黎緊到月底應該都系影翻D舊時未POST過的,因為在26號前都無咩可以入手的了。)用RAH220黎出呢個豆丁確系很適合,想起當年那個220小智和比卡超我也很感興趣呢~說遠了。

成只figure都好高質素,紅色大褸邊緣入晒鐵絲,可以屈出唔同造型,呢個真系RAH先有心去做,HT果D就好少有呢支歌仔唱了。裡面著埋教會衫(?)同底衫都唔會顯得腫,好好嘢。條褲用翻皮又有唔同質感認真好嘢!如果唔系呢只RAH,我都唔知愛德系著皮褲的~手型極之豐富,我影晒輯相都未玩得晒D手型,呢次M記真系一D都唔辜寒!唔少得的當然仲有懷表啦

 

長褸背後亦燙上蛇型標記,唔記得左呢個紋章系咩意思添~

 

卡通面相M記一向做得好好,如果唔系頭發有明顯分模線就更系完美了,後腦仲有那條大麻花辮。

 

 

懷表可以打開,仲刻有Don't Forget Oct.10

 

 

 

附有手部的鋼鐵刀刃

 

 

 

 

 

 

 

手腳的機械開機鎧亦有好唔錯的表現,呢次真系好抵贊!已經好少人除褲玩RAH啦,但M記都無偷懶,連只機械腳都做埋出黎!連孖煙通都有,真系用心得很!

 

不單止手腳,身體的機械部份亦靚靚地做出,還畫出疤痕!

 

連肩關節位都有機械造型和上色!真系好鬼正!

 

話咁快講晒~呢只真系鋼煉Fans的必備極品!

 

後記:令人好滿意的一款RAH,我俾100分!不過最衰黑衫甩甩地色,會染黑個肉色body,小心不要讓面部和黑衫部份有長時間接觸,咪先下巴都黑埋~艾爾(鐵甲人果款)我都想入的,但未見好價就等下先~睇下幾時有得兩兄弟重逢啦。今年3月好似有新的劇場版,好期待呢!不過上次的《森巴拉的征服者》就真系一般般好睇,希望呢次掂啦!

 

講晒~88

Write a comment

Comments: 0