Gills @ Timehouse RAH

 

蒙面超人AgitΩ中,第二位出現的拉打,Gills。

 

05年10月的產品,距今已有足足兩年時間。自前一排入左只靚價木野AgitΩ後,好深甘體會到TH噶素質,於是好想入翻只Gills(最衰無出AgitΩ,真系諗唔明。G3就免了,機械類拉打我只中意影月)。通過朋友在兆萬以合理價入到只全新靚仔噶,都算願咯。

Gills(磯烙使),能力大致和AgitΩ相同。由北城大學學生葦原涼變身,在一次電單車意外受傷後突然激發起變身能力。(故事好似從來都無交待過距系點黎噶~無拉拉就變左身了)每次變身都十分痛苦,對身體傷害亦很大,加上身世迷團纏繞,慢慢失去自我。後來真證結識了翔一後與AgitΩ共同對付Unknow,也因真魚(話說我很喜歡真魚!!)的超能力再生後消除了變身的負作用,同時得到更強的Exceed·Gills形態。

Timehouse出品正就已經體會過了,呢只當然亦令我十分滿意,無錯!系10分!QC靚、手型多、色水好、質量正,關節勁!都贊到無野好贊咯,總之正啦!

但好似TimeHouse噶12"都好腳短,顯得唔夠美型。不過算啦,真人有幾多過可以好似the next RAH果對腳禁長啊。我已經另外加左細碼噶腳圈了,有一定改善。

 

全都包甲,而且甲上都做了陰影和舊化效果,十分好看。

 

盔甲和皮衣上都做出了生化紋理。

 

角在劇中會根據情況而伸長,我相信依家已經長到盡。前額有第三只眼,可以看破敵人弱點。但呢度又要再次發表小小的不滿,TH成只野都做得好正,點解對眼唔可以透明D?呢一款已經算系好,因為對眼紅色的是透明件,只是透光性不好。而裡面有銀色的復眼結構,細心看是看得到的。睇第一張相就最好了。

另外,Gills在劇中很喜歡開口咬人,在本品中卻沒有附上開口的附件,有點可惜(人地木野AgitΩ就有呢~~~~)

 

腰帶本身的設計就比較簡潔。距都有粒賢者之石(甘系咪識煉金術?.....OT:Warxv,只萊出左了卟,你有得介紹未?)

 

這款比木野AgitΩ更早推出,但可動性卻要強得多,因為左個甲都分件處理。不像木野AgitΩ那款基本都是相連的。其實之前的木野AgitΩ亦完全可以做成這樣......

 

可動性出色到連極少有的下跪pose都做到!(好了...其中一個原因是小腿短..)

 

劇中距一味系甘叫,系甘叫,未打已經傷喉嚨了。無開口配件系差D

 

手背伸出來的是專屬武器之一·鋼刃。以替換的方式實現

 

 

甘當然系雙手都有啦。不過有點可惜是沒有附上生體鞭(絕對不是那條鞭!!)

 

 

 

 

 

當Gills叫完一輪後,腳根的刺就會變大變長變粗變勁,是他的必殺擊·跳躍刺釘!同樣以換件方式表現。(但太衰了,大刺釘要自己cut不突止,仲要自己用膠水痴埋,做多小小野系咪禁難?)

 

甘就....必殺擊pose咯~~~~

當距系甘叫系甘叫系甘叫一輪

 

彈起...............................................

 

做出奇怪噶動作“腳痛”(呢個POSE唔知點諗出黎噶)

 

之後用刺釘鋤向敵人背後,之後就收工了。

 

 

點解!?點解只Gills會大只禁多....點搞嘎?.......  T_T

 

後記:靚咯,開心咯,貴咯

TH就試過兩只了,最大感覺就系07年噶Medicom比唔上05年噶TimeHouse。照目前M記同BM噶出品睇黎,08年都未必比得上~~醜唔醜啊Medicom?

Write a comment

Comments: 1
  • #1

    jokerfung (Friday, 07 October 2011 23:40)

    shf嘅两款gills都很唔错,造型都好型!