[Top 10]我最喜爱的玩具 2009

 2009年我比往年買更更狼了。不過今年精彩的玩具實在系好多,和過去一樣,如果樣樣列出一定load圖至死機,所以又系Top 10。呢次好難揀呢,回顧09年的玩具出品好似都好唔錯,無咩令人特別失望的出品。毫無標準地,揀嚟揀去得出以下10款。 

 

HT MMS Wolverine

首先系套戲我覺得好好睇,然後系Hugh在戲中的魅力好吸引我,再系HT在呢只Figure上實在系有點突破!個頭好靚比官圖更好,全新body極精細上色,毛發和膚斑都表現得好靚!真系出咗呢只先見到HT真系已經拋離其他廠商好遠。本來我系想俾100分的,不過頸部易甩色要扣分,都98嘎~

Wolverine (11)

 

 

 

 

HT MMS [T2018] John Connor

在出現狼人前,這是我認為本年最正的12",雖與設定有差錯,但整體素質非常高!是我十分鍾愛的一款。同系列的性價比之王Macus雖然又有爛靚爛手多套衫好易砌多只,不過我真系唔太中意,好明顯水凖不及Connor。 

  

 

 

Predator 1

在HT 公布呢只P1時,我已經斷定呢款一定會成為年度最愛之一。雖然本人並非鐵血鐵士愛好者,但自早兩買入咗P2後,實在很我好贊嘆。P1改了BODY,肥番大只番,頭部比例好咗,面具仲加咗led燈,加埋個靚靚地台,真系殺晒~完全唔使等當時唔知有無嘅DX版。加上新packing好靚,又成只砌好晒上手就玩得真系方便咗好多!  雖然同時發售的Dutch都令好多人完咗洲長夢,但真是不能相比。明年的T800可以hold,我估9成9有DX版。

 

 

 

RAH DX Shadow Moon

這是我唯一覺得正的影月玩具,過去的SIC和裝著的外型都完全不能討我歡心,但這只影月真系做到同劇中一樣!把劍亦用了透明刀刃鑲上透明紅石,亦可以收納在劍鞘中。影月雖是多年前的設計,但今天看來亦完全不過時,而且它獨特的氣質亦十分吸引我!影月在我心中的地位就和BLACKRX一樣咁重要!加上應募的貴價,如果不喜歡就實在太對不住我個荷包了。我第一盒出咗事,件衫巢到爛,好彩我死追Medicom overseas及萬信,才極速換回一盒完美的。

 

 

 

 

BM RAH KIVA

BM的出品真系越來越正!呢只KIVA我認為真的十分完美,外型、QC和配件都無得彈。無嘢好講,認真一流!

Kiva (14) 

 

 

 

BM RAH Decade

這一定是有史以來被鬧得最多的拉打~在剛公布09年拉打時真系個個都鬧的,我都覺得好樣衰好難接受。但後來睇戲又越睇越型(不包括神主牌),再睇埋BM的圖,經已中晒毒!

本品一系系外型、QC、配件絕佳,腰帶雖然要換件表現換卡狀態,不過因為用磁石裝拆十分方便。如果卡盒可以打開變形就完美了。到手後僅需包厚條頸已經可以拎100分!

 

 

 

ROTF Buster Prime / 天火文

名額珍貴,佢地四款一齊上啦~ 

ROTF雖然劇情有所缺失,但我絕對系中意睇的!而新的玩具亦絕對足夠令人驚喜!外型和變形結構都比07年時有極大的進步。外型方面對於玩具來說我真是已經很滿意了!天火文合體極巨型極有氣勢,雖與設定有出入,不過依然感覺超勁!合體實淨同時依然有一定的可動性實在系難得。這樣的價錢有這等素質,我實在系滿意得很!和OP合體的天火亦很有電影味道。

後來出的Buster Prime更加系充滿誠意絕唔呃錢,全身跟電影重新上晒金屬色,仲有新的開口頭部以及有心思的合體手炮,我覺得系無論有無購入上一版都不能錯過的一款,電影版的開口設定亦只有它能表現!

後來再推的日版文哥和天火twin pack,兩者的塗裝再改,天火更系成只靚晒~如果之前無買的更系不可不入!絕對系極品嚟!(不過唔知有無人留意到,twin pack只OP的紅色系唔靚的~膠色嚟~)

Buster Prime (19) 

 

 

ROTF Megatron @ Leader Class

Repaint後先這樣愛的!!  本來覺得呢只麥sir十分怪雞,但上色後覺得真系好正,變形又爽快,兩個形態都好有氣勢,好起身又好易上手,鍾愛程度真系絕不亞於天火文!是我最常把玩的一件玩具。

P1040442副本 

P1040419副本 

 

 

  真·魔神Z

本年出的合金魂中我比較喜歡呢款,雖然笨大無良地降低的萬能俠本體的合金成份和可動性,但變成巨拳真的它真系絕無僅有的設計,個飛拳好正!而人型時5只手指伸出嚟亦顯得魔性十足!

本年可能最注目的超軍神真是不夠好,外型和可玩性都打晒折扣。而啱出無耐的超力電磁俠我仲未入,否則可能超力會更討我歡心。

 

真·魔神Z (18)

 

 

 

  ROBOT魂 七劍00 / 00 Raiser

平價嘢亦好好玩~我系今年中先睇番00高達的,即時愛到不得了,於是便入了天人的幾款機體。當中最喜歡的是七劍00,主體系全新設計的,可動性和外型都改良了,武器夠多夠好玩,而且仲可以換裝成劇中的外型。多花數十蚊購入00支援機,合體後亦好正!

P1040008副本

 

 

 

如果不是因為ROTF電影,本最的TOP10十有八九都會系12"。

 

HT今年真系好強,出品已經勝對手好幾條街,我今年喜歡的HT產品還有Hellboy。年初時預計是有IRONMAN MK III的,不過點知擺咗幾個月塊面就出斑、腰又退色,好失望,於是在公布DX版後便賣出了。還有留了位俾DX BATMAN的,但還未到我手,現在我倒是希望慢慢來遲D都唔怕。見到目前的甩皮咩頭問題真系怕怕,希望HT改好晒先再派貨。我依家後悔緊賣咗我只MMS BATMAN了。

 

RAH拉打向來是最吸引我玩意,BM今年的幾款真系越出越靚,除上面的KIVA和DECADE,其實NEW電王也好正,睇番幾年前的the first 1就知目前真系進步不少。今年我喜歡的RAH還有宇宙海盜夏羅古佐菲隊長舊1號3.5+旋風號

 

合金玩具方面,最開心當然是買番EX合金123號,不過玩上手卻發覺未有想像中正,不過靚是幾靚的。合金魂我暫未有特別鍾愛的,如果GX50入手的話,上面那個位置應是超力的。

 

SHF今年也很吸引,但所幸我一只都入到,呢個坑實在需要好大財力去填,但當我見到只Gills咁吸引亦好難頂~

 

在Q4時,學埋大膠改造12",改到第三只依然覺得十分好玩,不過第四只我就唔想搞了,一來未有題材,二來唔想再在手背增加刀傷~

 

 

 

最後,祝自己及大家,新年快樂,工作順利,身體健康!

Write a comment

Comments: 6
  • #1

    小恩 (Friday, 01 January 2010 22:05)

    D变形金刚 真系好正!!OP就绝对;新出天火更加惊喜——俺都要买了!!!

  • #2

    大猪麦 (Saturday, 02 January 2010 00:02)

    还有很多好的,你都没选上...

  • #3

    warxv (Tuesday, 05 January 2010 09:37)

    今年連我這個年年說不玩12吋的人都差點被12吋公仔攻陷了...
    而一直推薦的合金人卻反過來一隻都沒有.

    你的10強都幾合我意,不過同我選擇有點不同.

  • #4

    Elljay (Thursday, 07 January 2010 00:44)

    今年HT真系大舉進軍,勢不可擋~如果QC可以好D話,其他牌子真系無市場~
    合金人我真系難以選出一只大魔神,唔系話個設計件玩具有幾好,而且可以變大飛拳呢一著真系好好嘢。

    我好期待你的TOP10

  • #5

    Terce (Wednesday, 13 January 2010 17:28)

    我都有D後悔賣左隻MMS Batman! ~>_<~

  • #6

    gz死神bleach (Thursday, 24 June 2010 06:09)

    点解唔买埋只--红桃同黑桃太郎,果两只都系极品哦,我前几日BID到只影月同黑桃,仲有M记噶KISS,好正。