DX Kabuto Zecter

想不到吧?我居然買了件小孩子的玩具~DX Kabuto變身腰帶~!

那是受了影月的打擊後而買的~其實一早已經對這條腰帶有興趣了,只是未提起勁購入,心情所致,又見啱價,就入店內拆出來玩完俾錢走人了~

其實都幾靚的,金屬紅的甲蟲仔都算是detail,反正這麼大一舊東東唔detail就應該摞去填海了。

 

 

好似一架戰隊嗰D戰車咁,側邊有123按制

 

背甲可以打開,表現甲蟲飛行的狀態

 

未裝入腰帶時按制都會有3種發聲及光效的

 

順軌道推入腰帶就得了,一裝入咩都唔按已經發晒光地叫晒變身,好正啊。

 

將把手拉至一半會有數十秒的能量音效

 

之後就“啪”一聲彈開,腰帶和我本人都CAST OFF了 ~!

 

按制會講one~two~three

 

向劇中一樣推埋甲蟲,再拉動把手就可以使出Rider Kick了。我未能使出~~因為怕突然腳抽筋......orz

 

腰帶幾靚的,兩邊仲可以掛苦無槍和Hyper Zecter,當然要另外買了。那腰帶,我也是意料中的戴不下了,我收腹谷到痛晒都唔掂~算了,揾女朋友試下,佢啱戴的話我影相貼上黎哈~嘻嘻嘻

 

 

我玩了成晚,變身十數次~無次成功但亦十分過癮,如果讓小朋友玩一定愛死了。我又想起那次在吉之島見到一個細路帶著一個特搜隊員的頭盔玩的可愛情景。不過好似唔多襟玩,2節3A電芯經過那十數次的變身後已經開始有點無電走音了,難怪在一集25mins的拉打片中他們總是人間體登長時間較多~原來是怕無電XD。

總之,這是一條口水多過茶,閃到你暈的,我最喜歡的Kabuto的...Kabuto Zecter。下次表弟過黎如果佢乖的話就送咗俾佢先~不過乖唔乖有本大爺定斷~

 

後記:女友很配合,為我變身了~後嚟佢話我知,原來佢都覺得kabuto很有型~

 

 

 

Write a comment

Comments: 0