SIC.29 Part II AUTO VAJIN

 

續翻上一篇~S.I.C. VOL 29 AUTO VAJIN,好似叫自動天馬。

FAIZ的越野電單車,近年的蒙面超人都喜歡越野車~~但我個人就更COOL COOL的喜歡跑車了。呢架系咩車型就唔知了,距地噶機車總系怪怪甘,但又幾有型。

玩具噶表現好唔錯,機械感十足,車身上又有靚靚噶上色同印字。但好可惜無附支架,單靠車底下果枝野撐住其實唔多夠力,成日都跌。

 

 

車型好修長

 

車頭燈就假左D

 

尾燈都好一般,但距死氣號噶設計都幾超現代,我唔知直實車型系咪有甘樣噶設計。

 

油缸上面雕刻精細

 

唔知叫咩,但呢條野系合金噶

 

外露噶大引擎,得個罩系合金

 

甘距好勁識得變形噶,亦系呢套SIC噶最大賣點,第一款識變形機械噶電單車。我記得劇中都幾醜樣,系傳統果種好假噶演員著件機械人衫果種扮演方式,好心呢個時代用CG啦。SIC中噶造型就完全唔同晒,機械感超強,但有D似大肚婆.....變形方法都算復雜,其實唔可以叫變形,應該話系拆散部車再將D零件組成一個機械人。過程煩索。我仲要唔見左張說明書,回憶住以前玩過噶時候黎變,卒之花左唔少時間變形成功功。但變形之後發覺關節松左好多,特別系對腳。

 

變形後保留左好多電單車噶特征,車碌都一個系背上一個系手上。只有基本噶可動性,腳部還算可以,但手部只能活動肩關節,這樣少了很多POSE。

 

整體並不漂亮,但我很喜歡他的機械感

 

頭部因為後面有兩枝野,我總系覺得距似一只兔.....

 

 

可以做到單膝下跪的姿勢,曾經有人問過點解我唔擺雙膝都跪低噶POSE...暈

 

 

機械人十分高大,FAIZ只到其腰部。唔記得介紹個箱,AUTO VAJIN右手上果個呢,距可以打開,然後放FAIZ噶裝備入去,變時可以放在電單車尾架上。但個箱噶扣已經俾我玩爛左....

 

 

 

 

 

因為FAIZ噶活動性很好,而電單車噶SIZE亦好FIT,所以騎乘動作好自然

 

 

 

 

 

 

 


 後記:花左好多時間系變型上,配件又多,都幾麻煩,呢個就系我買左兩年先影相噶原因。總算變形成功令我舒一口氣,但當我將距變翻做電單車後,發現........多左兩粒零件....究竟系放系邊嘎~~~?算了,反正表面睇落無咩影響,放好個零件就收工。

我有噶人車BOXSET都已經介紹晒了仲差亞馬遜未買到,但又要提多次,就黎再版了。

Write a comment

Comments: 0