傳說の勇者 地球合體 Da·Gaan X

 

勇者傳說 泰丹X

大概在90年代初,無記有轉播呢套勇者卡通片,當時譯《勇者傳說》,系果個時候我最愛噶卡通之一,而且到現在依然清楚記得每一個勇者噶名字同必殺技(真的!我亦只記得這部勇者動畫的細節,當然,還有勇者王)。而最令我津津樂道噶系每一位勇者的造型都十分美型,而無記為勇者機械人譯名得十分好,如噴射飛鷹、珍寶飛鷹、穿梭飛鷹、天火神飛鷹。巨無霸地龍、高科技地龍、超音速地龍、金鋼鑽地龍。七重變形體(差小小,我覺得叫翻Seven Changer更型)。說起來反而系泰丹這個名字稍弱。以下介紹會以我印象中無記的譯名為主。

故事講述小學五年班生高杉星矢突然聽到來自地球深處的聲音,預知到未來的外星人侵襲危機,命運般地成為勇者泰丹的隊長,並被告知他需要四處尋找勇者之石,以喚醒沉睡在各處的多名勇者。在過程中他與勇者們一面與外星人抗衡,一面探尋新的力量。最後發動了傳說的地球之力,挽救了地球。

故事非常老土,但在那個時候的我看來,只要見到勇者們出場就已經睇得好開心,哪管他劇情如何。而在小時候亦曾經擁有過(忘記是自家的定系樓下細路的)全部的勇者。印象中最好玩的是飛鷹。三台飛機都十分出色,合體又型。最後更可以和火鳥飛鷹合成人馬般的天火神飛鷹。總之是那時認為十分好玩的合體玩具,比變形金剛好玩有型得多。

1992年Takara出品,日本製造(我真系不知幾耐無買過日本原產噶玩具~)全膠制。質量以今天的眼光黎睇算是過得去,剛好合格。因為好多水口都比較明顯。基本上所有細節都靠貼紙去表現。但不知是因為年代久遠,所以貼紙總系痴得唔實,好易甩。關節實淨,變形及合體都唔會有松散感覺。因為見到年齡對像是4~7歲小朋友,所以我諗即使有時用力拆用力扭都應該唔會太易爛。當然了,我是不會的。

泰丹,警車是他掩飾身份的形態。玩具結構簡單,基本沒有細節表現。

 

 

變形方式亦是一簡看穿的那種。將車頭展開變成腳,車尾分開就可以露出頭部以及完成手的變型了。可動能力請完全無視。只有肘關節可以90度活動。

 

 

雖然細小,但面相亦不含糊

 

新干線列車,它的合體出場十分無離頭,因怪獸襲擊市區,弄斷了鐵路,被停下來了。然後泰丹在戰鬥中心口發光,呢加車就飛左起身同距合體了~~列車好長,好長,好長,好長,好長~差D無位影距。

 

 

噴射戰機,與其他勇者一樣,這類型的飛機一向造型科幻。它的出場嘛,與列車一樣禁無離頭。但這架飛機居然有做出可開合的起落架。

 

 

 

警車、戰機與列車可以合體成!#%^#&,都唔知系乜,但劇中確是多次出現。

 

 

 

 

 

合體啦喂!星仔一聲令下,泰丹就可以進行合體。列車變成腳,飛機為成身體和雙手,泰丹就....其實無咩用.....合成泰丹X。玩具的合體變形基本忠於原作,方式簡單,合體後實淨。合體後外型算是出色,比例好好,而且距真系有條腰~~呢下唔話得。腳部就一如既往地與一眾舊勇者玩具不可動(但已經可以橫向活動了)手部肩關節與肘關節可動,已經可以滿足一般的POSE。

 

 

側面看也結合緊密沒有空洞感。

 

 

基本上頭部造型系靚噶,後腦透明件連接雙眼,背光時可以有發光效果。小小不滿系前額的角實在太鈍了。胸前的地球是電鍍的,都幾靚。

 

拳頭反轉變可以伸出火炮

 

裝在小腿兩側的炮可以結合成....都系炮.....  -_-u

 

 

泰丹神光劍(不要怪我娘,無記系譯得禁娘)中間的地球以貼紙表現

 

 

 

心口可以左右拉開,重現發射“地球暴風破壞炮”的狀態(唔知有無記錯)

 

 

 

size都算幾大,比gx-13仲要高出少少。

 

另外,泰丹X後期可以與最後的勇者泰安(變形獅子的非洲機械人)合體成更強的超級泰丹GX,合體後不見得美型,因為系同超級獅人鳳果類噶無聊合體,呢仲合體方式從第一部至尊勇者持續到後期的勇者特急和勇者指令,我都服左距。

勇者傳說的玩具是出齊的,包括紅龍。而且每一款都十分不錯。

後記:長大了,自然會對過去有好多回憶,勇者傳說就系令我印象深刻的其中之一。曾經好恨再擁有距噶玩具,但一直都遇唔到。偶而見到亦好貴或唔新淨。呢次就好好彩,遇到只新淨靚淨噶,價格好唔好就唔提了,買左還一個心願先算啦。希望有一日會見到飛鷹同地龍合體。七重變形體就唔好了,玩具四方木甘,不如變形金剛六面獸好玩。

Write a comment

Comments: 2
  • #1

    剑心 (Sunday, 03 July 2011 19:48)

    在哪里买啊?

  • #2

    獅子 (Thursday, 12 June 2014 18:02)

    你好網主,我都係呢一套勇者既愛好者,唔知我有冇記錯,印象中泰丹X,其中系一集戰鬥受傷,跟住要用大絕招,就係心口支炮,我依稀記得好似佢大叫"地球能量光炮",所以講出黎分享下^^~雖然呢一頁既圖全部都睇唔倒,但我從你既文字上都感受倒泰丹既氣息!