Battle Fever Robot @ GX-30

 

戰鬥狂熱機械人,作為戰隊30周年紀念於06年推出超合金魂。當時無買,因為果時覺得距都幾醜樣,而且根本無睇過距套劇。依家買翻,系因為有唔少人向我推薦呢只嘢好玩,而且睇左年幾兩年相,睇順眼左個樣。最後,系因為見到魂Nation中有那台戰艦的展示品,覺得組合起身應該會幾好玩,如果有一天出也不錯。於是去揾翻呢只嘢。

出自1979年初的《バトルフィーバーJ》,系第三套超級戰隊特攝片,亦系第一套出現巨大機械人戰隊片。我就完全未睇過,揾翻小小資料圖片睇下,都覺得超搞笑,個造型............

 

 

 

睇翻劇照,覺得SOC已經將距美化好多先出街了。一只日本武士feel的機械人,心口個BF系衰左小小,被人笑稱為男朋友機械人。大比上面果舊甲唔知當時系點設計的,總系覺得很礙眼。對腳有小小短。合金約7成,一上手的感覺不是重,而是松~~,對腳有D掉掉Fing嘅感覺。我自我安慰:因為呢只系超可動的合金魂,所以系咁上下了。咁又確系超可動,你睇距可以企到山口式咁款就知了。大多數關節都用了雙重關節,活動能力一流,擺pose亦好有型。他最大樂趣就系扭來扭去了。

 

 

 

武器格納庫,可以睇到有幾豐富的武具,除盾外,所有武器都用合金制,質感都好OK嘎。當然亦可以放晒手型上去啦

 

 

 

雙腳抽出的狂熱劍,似苦無多過似劍卟~

 

虎爪,近身用搏擊拳套,劇中未出現的說~

 

錫杖,唔知機械人點解會用呢D看似無攻擊力的武具。

 

攻擊戰矛,如果柄再長一寸就好了。

 

呢個.......唔知叫咩嘢,又唔知點用。

 

“星雲鎖鏈”~~~抽鏈可以收入對手內的。

 

狂熱戰斧,刃部仲做左舊化效果。

 

戰鬥盾,盾與斧的組合我最喜歡,覺得夠硬派~!

 

電光劍,必殺技的武器,可以使出[雷光劍唐竹割],他說可以砍斷罪惡。

 

 

 

 

 

 

 

上圖應該足以說明其可動性,說他是目前可動性最強的超合金魂亦絕不誇張。玩一輪之後我都幾滿意的,但小小可惜的是,我初時以為距同萬能俠應該一樣高或更高才對,點知.....

 

後記:唔系太多人識,又唔系好多人可以接受的造型,但武器多,上色好靚,QC好得,超可動又真系把玩性幾高。地台又不太大不阻定,整體OK的。大熱的GX-41我現在有點守不住的感覺了,可能遲下會買只標準版。希望會有靚價啦。對於雷登這套HK和內地都無轉播過的動畫,應該會缺乏人氣支持才對。個心依家越來越痕了~~

Write a comment

Comments: 0