Macross Frontier·VF-25S Ψ Ozma @ 1/72 Variable

 

今日噴埋消光,呢套模型就叫做完工了~~合計大約做左8粒鍾,磨過D大到無人有的水口,滲線,局部膠貼,局部上色,消光,收工。

感覺好麻麻,膠貼其實唔系十分啱位,而且遇曲面就貼得唔夠好,話唔起飛邊就呃人嘅,莫講話變形,我調整下POSE都起角,果D我就乾脆成塊起左距唔要了。可動性比DX更麻麻,而且真系唔多敢郁距,怕斷怕花怕起膠貼。人型就一樣系頸短,只不過有多個關節可以俾你就下角度拉出少少,但就唔可以好好咁固定。變形換好多件,盾架、槍架、起落架,留翻一堆parts體系度,幾麻煩下。

咁當然又唔系話無嘢好的,個變形設計真的比DX要好,特別系hip位可以向下拉多截,腿部的位置就自然多了。肩部亦配合得更緊密。B mode的外型的確比DX要更貼合原作,但肥瘦就真系個人喜好,對比下我覺得DX依然不錯。盾其實系可以收納刀仔的,不過取巧D,要從上而下插入。G mode因為做到自然的逆噴射而且重量夠輕,所以企得好睇又穩。支槍就更系比DX精密得多。如果兩者可以結合下就好太多了,感覺上BANDAI真系明明可以做到的。但距唔分兩樣出又點賺更多呢~

 

 

 

 

 

 

 

 

 

 

 

 

我系以B mode進行組合的,變形就到此為止,F mode就唔搞了,真系一變一驚心,而且機背D甲合過下,覺得唔實不單止,縫隙仲好大,比DX差得多,而且聽聞F mode時雙腳是沒有固定的,比較松散,所以我真系懶得搞。

對於呢套模型,如果想玩玩的話,我覺得還是貼上主要的幾張貼紙,消光就算了,再多的功夫,對於一個中意郁手玩的玩家來說,也是吃力不討好。

***********************************

27.Jan.09

幾晚通宵加班後卒之病左~除左尋晚出左去睇煙花外都唔想外出,實在系太凍了~正好在家中砌起呢件嘢~

但連我心中所想真是有一段距離,可能睇得雜誌贊Gunpla多,又話水口隱藏得好好,但呢只就完全不是那回事,注料口勁粗,好多都系晒件甲的當眼處,砌砌底底地耗盡我兩支打磨棒。人型比例系好左,但依然頸短。相信系我唔玩開模型,所以覺得距實在系輕得太交關,而且感覺腳軟軟。

但有D嘢系好正的,如距真系成個骨架做出黎,再套外甲的。但對於這件變形的模型黎講有無必要先?只覺得做多好多功夫但都睇唔到的。

未變形,未細玩,但比我選擇多次,我都會選擇DX合金。

齋啪就已經花左我6個鍾,今晚貼埋貼紙同滲埋線先~

 

 

 

後記:離對上一次砌咁多件的模型已經唔記得系幾時,不過那時我買的系MG ZZ,都可想知年代久遠。那時最煩就系砌完左邊,還有完全相同的右邊要砌,甚是悶人,加上種種因素,我就唔玩模型了。

砌過呢件之後,我又再次覺得我真的唔適合砌模型,搞一大餐先有得睇下,仲要唔敢玩。本來盒嘢已經唔平,加上我為了它另購的油、筆、刀、噴罐等的工具,加埋我付出的時間和心力,買多只DX都有余了。距就成為左我家中唯一一只模型。

那是我不懂享受砌模型的樂趣了,所以俾我選擇多次,我都系揀DX~~~

Write a comment

Comments: 0