SCOPEDOG @ DMZ-06

 

DUAL MODEL ZWEI
ATM-09-ST
SCOPEDOG
with CHIROICO CUVIE(Lido War Specification)

今日打台風在家中,趁唔使出街影翻D玩具先~

裝甲騎兵其實我就未睇過嘅,但近年黎咁多產品,點都會關注下,大至1/12,細至1/48,吸引我的真系唔多。唔記得系06底定07年初,TakaraTomy的1/18 DMZ-01就好吸引我了。果時睇電擊已經好關注,上色靚,有舊化,搭只微星一齊賣都唔系好貴。但當我想買時已經無晒01了,偶然見到都已經炒到上天,一直等再版。等到08年,又俾我系電擊睇到有06出,仲加宇宙用飛行背包。無死啦呢次,於是一出即入,歡喜~~一直好想快D介紹,但玩左一輪之後.......我好衰的,向來無咩心機去幫一件過左新鮮期的玩具影相,所以拖到今日。

睇下只微星齊可先~(距系咪叫齊可啊?)上色其實OK的,但因為D紅膠好透光,所以質感就好麻麻。件衫有做舊化陰影的,但就唔夠重手。個樣就麻麻了,完全唔似,Yamato果只人仔就靚得多。但唔緊要,最緊要系我買到,有得玩就已經好開心。

 

 

齊可好鬼多手,我第一次玩微星,對於距有個架放手的設計十分贊賞,兩邊窿大細唔同,又唔驚會左右放錯!好嘢!

 

個頭盔唔系戴上去的,系直接換頭,無所謂啦,滿足的說。啊,另外,個頭盔同01果只唔同的,話晒06呢款都系宇宙型嘛~

 

 

微星可動性就唔使多介紹了。

 

睇下只偵察犬先,全膠無合金。實物其實會綠D,不過我換左白平衡黎影,覺得咁樣會靚D。全身都有舊化同陰影,上色好靚,但就無01般重手有實戰feel,有人話因為系宇宙用,所以就新淨D。諗落又有D道理。身型黎講我唔話是否忠於原著,但以今日的眼光睇就短左D,唔夠型。但我呢挺非老餅但又中意扮老餅的人,就幾中意呢個款了。

 

 

個頭無得向上向下望。但整個頭盔可以左右轉動,只眼又可以橫向移動,即系可以令呢邊望果邊。

 

三個唔同的鏡頭可以轉動,但每個鏡有咩用我就唔知了。

 

只手好勁的!全指可動,D關節仲好得添!好似PG高達咁。

 

有彈弓手鐵拳,按制就會彈出,左右都得!

 

OYOUGET又得~距對手可動算是好足了,我又再次滿足了。

 

腳板外側可以打椿落地,好真實細緻!

 

咁就........話說距有一把長槍,可以拆彈倉,把手又可以活動

 

 

 

話說距又有把短槍,將長槍的托把和槍管拆下,換個炮嘴就得了。

 

再話說,距有個飛行背包。唔好睇得去邊,裝上去好易向後傾,甚至訓低,而且裝得唔穩,好松。其實又唔系話個背包有幾重,只系只狗對腳的關節唔夠實淨。所以我display都唔會裝背包,一黎唔系太好睇,二黎又阻定,三黎又怕跌~

 

 

收埋對腳,可以變成格納和降落形態。初時我唔知呢個款有咩用。後黎聽朋友講距折埋個體積就啱好入得到個貨櫃,運輸方便而已。個設定又幾真實卟!我開始覺和距系真實系最強~

 

收納時個背包都唔會有影響,因為距曉變型,人縮距又縮

 

 

靚靚駕駛倉,系最吸引我的地方之一。真系乜都齊,唔講,睇相得了。都系講句,留意個頭部內側,果樹都整得好靚嘎!

 

只狗個身有幾個把手位,系用黎俾駕駛員琴上去的,正啊!我諗緊同是真實系的英格侖,D駕駛員系點上去嘎?

 

入到倉就換個LOOK先,個控制台可以郁的。

 

 

 

 

 

 

 

 

 

來個“站立於大地上”的狗狗~~~

 

後記:好正的一件玩具,本來是我3月的最愛來的~~本身只機械人做功靚就不再話下,同只微星一齊玩令可玩性和觀賞性有幾何倍數的上升~~但我應該唔會買其他的款式了,話晒都唔識距地。但如果距有咩武器parts套裝,我應該都會揾翻套的~呢個系列,精品黎!裝甲騎兵fans真系有福咯(亦可能系有難~嘻嘻~~~)

  

呢張系......齊可的叛變,去左博派~~~

Write a comment

Comments: 1
  • #1

    勇记烧腊 (Friday, 18 June 2010 23:23)

    睇佐兄弟介绍,又让我心思思入只vol.2,蓝色果只强袭狗,齐可的死对头伊斯朗。最近老友店有好价。