MEGATRON @ MASTER PIECE 05

 

MASTER PIECE-5 DESTRON LEADER MEGATRON

 

MP,名為杰作噶變形金剛系列,終於推出一路以黎重現難度最大噶麥加登。但呢款以MP為名噶老麥真系可以稱為“杰作”?從初公佈到依家,雖然一開始已經知道距槍型SIZE過大,又有香雞腳,我都因為距作為一代領袖而對距有不少噶期待,亦早已打算無論距出成點,只要距仲系麥加登,我都會入一只。

 

睇過前篇噶朋友都會知一D入手時噶小插曲,一開盒就已經覺得唔掂檔,好膠,好輕手,關節看似好脆弱,比例好怪。唯一可以稱贊的只有不俗的上色。

 

在手中幾乎不知點去把玩呢只老變,郁一郁都驚距可能會爛,更唔好話系變型。本說明書已經令我覺得好復雜,好難變,我真系一D想變形噶衝動都無。但為左影呢輯相,硬住頭皮一試,都系完成左。唔好叫我影變形過程了,果一段經歷系惡夢黎。

 

由開始到結束變形,我一共用左45分鍾,好誇張~有D部份好實,如頭部和肩部,我實在好怕第一日就玩爛。系變手噶時候我一開始變緊都覺得唔fit,點都合唔埋,差D想用牙咬添(笑~~)後來細小一睇,裡面竟然攝左一塊膠片撐住!(大佬啊,個位禁細,你塊膠又透明,我又要變形,說明書又無講要注意咩野,邊睇到啊?系咪要我整爛只野你先開心!?)說明書表達唔清晰,無法很好地指引。這個變形,我相信我只會變一次!!

槍型系WALTHEN P.38,加上瞄准器。單看圖片還不錯,由於出色的上色另距看似有不錯的質感。

 

 

 

細節亦有所刻畫,保險亦可動

 

但槍型實在是很大,大概是真實手槍的1.5倍大,要一只非一般的大手才能舒服地握著

 

人型方面,點講呢?我實在系講唔出距有咩優點~一樣都講唔出。主武器當然是突出的核融合火炮,相當大,甚至太大太重,裝上之後更會影響平衡。而廠商居然沒有附上支架。資料講得好神奇,話呢支炮可以連接到未知的宇宙黑洞,引導出相當的反物質以作為火力武器使用(講咩啊你??)

 

 

面部算不上出色,只是將老麥噶輪廓重現,但完全無神!

 

 

 

火炮內有LED燈,在側面按下開關可發光,如果可以啪制持續著燈更好。

 

KREMZEEK  , 莫名奇妙的附上劇中的食電怪,我認為沒有什麼意思~

 

LAER DAGGER 光劍,我已經唔刻系電影中邊一幕中有呢個武器噶出現,但變形金剛好神奇噶,縮只手入去再伸翻出黎又系另一件武器了,好似下一張圖甘.......

 

ENERGY MACE  流星槌都黎埋,記得有一幕系兩位領袖在堤壩上打時使用的

 

BLASER手槍,在大電影中將柯柏文殺死的武器~~

 

真正可以稱為MP噶,始終都只有文哥,當然,變車噶機械人系相對易做,方方正正阿嘛。但呢兩款放埋一齊真系唔多襯,老麥實在系太單薄啦!!設計唔講,講合金件,雖然我玩玩具唔追求合金,但點解從MP03開始廠商就唔用合金?呢個變化唔系人人都可以接受嘎嘛!

 

呢兩位巨人~文哥就真系不可多得噶杰作,老麥就強差人意~~我寧願廠商呃下錢,唔該你出只改良版啦!!系咪設計師唔同左啊?用翻MP01噶設計師得唔得??

 

 

後記:買,只因距叫麥加登。呢一款玩具完全稱唔上好,只能話系比以前噶G1造型好。可能這是我眼中他唯一噶優點。再甘落去,真系唔知MP會變成點?想距出洛迪文,想距出格威龍。但如果再甘落去,叫D fans點出手啊?我真系玩百零蚊噶山口好過咯~~~~

Write a comment

Comments: 0