Prowl @ TF Henkei!

 

博派戰略家·潛行獸,其地位已經相當於博派副官。這是經典系列第一款地位僅次於文哥的角色,但另一位副官[爵士]唔知幾時出呢~~?

數月前已經出左美版,睇見BLOG友介紹雖然有點缺陷但設計實在唔差,很想買下來,但見實物上色較差還是決定等日版。無諗到呢次唔使等成年,話咁快已經有日版了,而又的確沒有令人失望。素質比美版有所提升,先講下兩版差異:

·日版警車系新件,較圓潤,美版是起角的。·日版車尾定風翼、肩部炮和手槍電鍍,美版是原膠色·日版車身較白,膠感強,美版車身....白得無咁睇,膠感強x2·日版上色認真D,無點出界及起毛邊,美版上色我覺得幾差,車門車窗位起晒毛邊。

警車外型不錯,車身分隔的縫隙亦盡量按照真車分布,還算自然。車窗其實不是黑色的,系半透明的,但我影唔出黎。整體不要要求有什麼細節了,各位自己動手吧。

 

 

 

 

變形好玩,有突破,車變人乾淨利落,人變車就要搞一輪(親電光同樣),但人型照顧得很好,很好地還原翻G1形像,各方面都很到位,系目前人型最似原案的潛行獸(我見得少,起碼我見過的當中距真系最似樣了)

 

會否覺得頸太長?系咯,這裡不明白為何要搞成咁。

 

槍,車型時折疊收在車底,沒有什麼用,但起碼不會多出什麼來。

 

頸長問題,我睇睇下就順眼左,仲越睇越型添。

 

活動性很一流啊,四肢活動性絕對會令你滿意:肩部有3段極靈活的關節,唯手肘只可曲臂90度,膝部和腳板都有雙重關節,活動角度和貼地性都抵贊!自然的下跪動

作完全無難度。

 

更別說其實有型pose了~!真系好嘢!

 

 

 

 

日版經典的博派就只有這三款,遲下出日版格威龍時會一齊買翻日版火棒。但大家有無發覺,無論是經典1.0還是2.0,狂派的玩具都不如博派的,現在的期待都放在格

威龍和旋風身上了。

 

下次,當然系介紹陽光祼奔狂啦~~

 

後記:山口式的價錢,媲美山口式的可動。但比山口式更大只,更好玩,素質更好,可玩性更強。山口式遲下會停產一段時間,但各位唔會悶啦,2.0有得玩了~~~

我有具體了解過甚至玩過晒已經出左的2.0美版,部份的確比1.0有不少的進步,特別系頭兩款的博派車車,簡真系完全超越過往的產品。但其他角色還有些炒冷飯充數的,設計水平就顯得很參差。而外型上和1.0擺在一起也有一點不搭調的感覺。你話距會唔會又俾個新設計已經推出的1.0角色阿啦?

怎樣也好,JAZZ和阿積拜托出得有翻D水平~

Write a comment

Comments: 0