Galvatron @ Henkei!

 

格威龍系我幾喜歡的狂派角色~那個從地獄歸來,一炮處死星星叫的情景我依然印象深刻。但睇黎一直都無距特別出色的玩具,很可惜,我唯一有點想買的就系Super Link紫色那款,但現在已經好少見。經典2.0可以出翻只紫色格威龍,又系變翻大炮咁,只要無咩大問題我都已經覺得好開心了,畢竟真系20年才有一只咁樣的。

 

唔變炮台變坦克,都相距不遠啦,而且D色都算幾夾。電鍍炮塔上寫住GALV-25,格威龍25歲了,呢個印字真系幾有意思。但炮塔只能左右轉而不能上下活動有點失色,炮塔側根仲有個導彈發射器,炮口可彈射又系慣例了。整個坦克形態十分完整,算系咁上下。

 

 

 

 

 

初次變形如果唔睇說明書的話會幾難搞,我就系了,而且右手炮塔分開很吃力,我差D搞唔掂。拉出右手時又難以連關節一齊拉出,搞到要借助工具先得,無法輕松完成變形真系有點不爽。但完成後人型的配色和外型因為都幾忠於原作,所以也安慰了。唯背部那大個背包有點累贅,腳部又成座塔咁。

 

 

 

 

活動能力除左手外都不能說是合格,右手只能單向前後擺,雖腰可轉,但雙腳關節奇怪,膝關節設計得太高,唔好睇之餘更完全浪費了這副關節,腳板看似有不錯的活動能力和接地性,但因為後腳跟容易不著地,所以也是徒勞。不能不說,對關節很失望。

 

 

 

 

但最最失望的,系這兩位二代目領袖的規格,怎麼說他倆都是個總司令官的角色,竟然出D級就算,而且他們的體積比一般D級還要細小,活動能力就是所有D級中最差的。為何兩個重要角色會落得如此田地?系為懷舊嗎?因為當年TAKARA接單生產G1玩具時並不知HASBRO如何安排角色,以為洛迪文和格威龍都只是什麼二打六,所以都只是求其應對,所以可以看到G1年代這兩位的玩具也是出得十分麻麻。25年後又是這樣,這可能就叫做宿命~

 

同V級的麥加登一啪埋,我從來無覺得呢只麥加登系咁靚仔咁大只的。

 

 

後記:失望咯,如果距肯出V級,相信好多問題都可以解決。但有一只似翻個樣的格威龍已經算不錯。

Write a comment

Comments: 0