Sideswipe @ TF Henkei!

 

日版2.0~~博派戰士斯偉伯

雖然對他算不上十分期待,但既然之前入左閃電光,兩兄弟無理由少左個,見已經出左,又入埋了。雖未仔細對比過美版,但分別都大概清楚,電鍍位就一眼睇晒啦(呢款我寧願距無電鍍),另外只紅色有珠光色,令立立,比美版的原膠色好上不少。仲有D毛邊位我潛意識地覺得應該比美版好.......不過,美版好似系配埋閃電光果個車頂發動機的,而日版就無。

車型咪都系咁上下咯,但感覺上合得無閃電光咁密實。

 

 

 

人型和閃電光的區別就在頭部和個胸了,真系各有各好睇,而右肩仲有招牌式“火炮”,講起都幾無誠意,連之炮都同閃電光一樣的!反而美版肩炮的黑白兩色有翻動畫的感覺。而下半身就和閃電光完全一樣了,當然變形方式也是。我覺得這是極少數整得好味的一雞兩味,咁樣出兩兄弟法真系抵贊!!

 

 

 

話時支炮同閃電光一樣,咁可手持亦系理所當然的。

 

 

立埋閃電光果支~雙肩炮

 

玩到這樣我才想起,斯偉伯除了肩炮外其實還有一支槍的,好心孩佬同TT做戲就做全套啦,整多支槍唔花你地好多錢的!

 

有什麼要贊要彈的都在上一篇閃電光中講晒了,反正也是大同小易,兩兄弟合照一下。

 

 

 

 

 

 

 

 

後記:同期仲出左日版的煙幕(同潛行獸同款不過無警燈)和OCTANE(變運輸機和油車果只)。什麼鐵皮格威龍的我變得無咁期待了,因為睇完圖覺得很麻麻,倒時最近美版新出的綠色吉普車獵犬(探長)看起來很出色,我又等日版的。

Write a comment

Comments: 0