Captain Jack Sparrow

 

加勒比海盜中的主角Jack Sparrow ,由Hottoys出品。

 

早期Medicom推出一款,我也很喜歡,由於301N body優勢,可以體現出Jack的體形,頭部面相都做得好出色,只可惜唔上色的面部令距看起來不怎麼樣,但論神似,一定系M記果款。但我錯過了。

 

後來,Hottoys又出了這款,有韓仔幫手當然有細致的頭雕和上色,衣服車功亦很不錯,各種小道具都很細緻漂亮,看起來的確比M記的好上不少。但一開始我已經有一種感覺:他不似Jack。所以一直沒有購入。直至前果排有個朋友入左,話我知幾正幾正的,咁我亦屎忽痕咁買左只。如我所料,是不會失望的。因為這款出到什麼程度我早有了解。

 

上色好,件齊,衫靚,似真人,的確十分不錯。如果以一個沒有背景故事的人偶來說,這是一件杰作!但可惜他是人人都認識的魔盜王。Jack何來這麼壯闊的體形?!

 

 

面相似真人,似尊尼特普,但唔似Jack。戲中的Jack表情趣怪,具有邪氣,無離正經。幾時有這麼一本正經的表情?亦無咁靚仔!老實講距個樣有D似便秘。

 

但無可否認是上色很優秀,皮膚紋路都有表現,那些暗瘡之類的也跟足電影。但下唇是否有點偏厚?

 

 

腰間掛住好多精細的小道具

 

指南針可以打開,不可實際使用就是了。

 

支槍無野玩的,唔似HT卟~~~但算是精美

 

 

 

除大褸後,都幾靚,但裡面件白衫就不太稱身過於闊大

 

 

 

 

 

 

 

 

 

 

 

 

仲有埋樽酒~~~

 

 

後記:遲遲先入,都是一款令人滿意的12",最主要系面相上色靚同配件精細。但我玩左兩日,衫上的金鈕已經甩左3粒,要認真小心。

可能大多數人買左距都會覺得只是靚但不神似,我依家好想睇翻M記果款,但系Y Blog上揾唔到有人介紹~~~

Write a comment

Comments: 0