Gridman @ Ultra-Act

大家用過的最強殺毒軟件!

 

好細個時睇的特攝片, 同系超人打怪獸, 但就好正咁喺個電腦機箱入面打~

故事大概系有幾個小學生用舊零件砌咗台電腦做研究開發, 而另一個學生又系電腦發燒友, 而且沉迷怪獸合作遊戲. 期間遇入電腦世界的病毒魔王, 被利用製作出各種怪獸, 分派去各個電腦網絡上去搞破壞. 之後就殺出一個電光超人去打怪獸了, 大概系咁.

每集打一只怪獸都唔會太悶, 而且仲有幾架飛機鑽車台克之類的可以合成大機械人, 又有機械恐龍咁, 細時好喜歡睇!

 

如果唔系BANDAI推出新玩具, 我真系好可能會忘記了這部作品, 想起來, 我細時仲有一套老翻可以合體的電光超人呢.

 

說起來原來我是第一次買ULTRA ACT, 第一感覺系身型比SHF大只一點, 關節和工藝都系差不多.

而呢只電光超人有點特別, 特別不好: 沒有可轉的腰關節 (那是要遷就合體需要, 但我相信會有其他無咁笨的方法.), 胸部的旋轉關節又超級緊, 緊到以為佢系轉唔到的, 而且可轉角度好細. 其他可動都是普通SHF的級數了.

本體有幾個裝甲可以拆下, 包括背部\腰部\小腿, 用於合體用.

上色都叫做可以, 但銀色的顆粒感太大, 不過手腳的白色以珠光色來上色效果又很不錯, 劇中也不是純白的.

但最不滿意的是面相實在做得太模糊了, 完全不夠稜角分明, 起初以為是自己影相全部跑焦, 後來再細心睇才知原來是面部做得模糊了.

 







 

配件方面都系劍劍盾盾的.

PLASMA BLADE的劍刃用上電鍍色效果不錯,

BARRIER SHIELD的把手可動, 但沒有做出劍柄可以藏入盾內的設計.

劍和盾合體後的形態以獨立零件表現.

GRID BEAM的特效件很漂亮, 系本品一大特色!









 

單體來說娛樂性系差D, 但出年頭會出可合體的電光戰神, 那個先系呢套玩具的真正價值.

但咁多年來, 電光超人玩具真系太少太少了, 如果你還有一點記憶的話, 買只都無妨的.

Write a comment

Comments: 3
  • #1

    rockmanx45678 (Sunday, 14 October 2012 23:53)

    我看了很久 也好想買這個!!
    我也沒有買過ULTRA ACT
    都買SIC比較多

  • #2

    sumsum (Monday, 15 October 2012 10:06)

    我近期都有入!

  • #3

    Elljay (Thursday, 18 October 2012 10:00)

    rockmanx45678
    SIC很久以前已經基本唔玩了, 我也只是看看邊只特別合眼或特別有童年回憶的而已.

    sumsum
    呢只為買而買啦, 你話好好玩又唔會, 特別系依家先玩得一半~~~