T-800 [TERMINATOR 2] @ HT DX10

DX10 T-800

又來T-800了, 計埋呢只, HT一共出了3只人型T-800, 多選擇自然有比較, 但呢次系DX名頭, 理應正到爆的.

包裝玩嘢, 用了皮革質感再加圖釘的設計, 做出與T-800皮衫一樣的風格. HT近期在包裝風格上都下不少心思.

 

DX主要比舊T2 T-800更改如下;

更像真的頭雕(舊版實在太老), 增加可動眼, 加入可開腦取出芯片的GIMMICK.

頭雕問題引起好大爭議, 好多人都話唔似, 又與官圖及樣板不同, 更有說舊版似D......我的感覺系唔好傻啦, 比起官圖樣板及舊版, 梗系呢只個頭似啦.

HT擺明系無跟官圖做出, 以前官圖及樣版個樣跟本唔似, 特別在出貨前重新修正, 但反倒被話更唔似, 真系服晒.

舊版就更加系三尖八角面相過老, 但又好似呢個過老的面相被玩家入晒老, 潛意識下覺得當時阿諾系咁老的, 但唔該睇翻套電影, 那時都算是皮光肉滑的, 話新不如舊就更系令人滴汗.

可動眼系出問題, 我都覺得以目前的設計並不適合用於眼細的角色上, 同時又會令眼睛內陷, 而且為了追求細緻度, 現在全部可動眼內都做出米型花紋, 實在太顯眼了,呢個真系HT可以改良一下.

而皮膚質感問題, 好多人覺得現在HT的皮膚質感有所下降, 覺得沒有過去咁多層次. 我覺得其中一方面系HT改變了過去膚斑太多太明顯的塗裝(當然有人會好喜歡, 覺得好細緻, 但有人會覺得系皮膚病), 另一方面系其實都幾細緻的, 不過我部傻瓜機出唔到細節.

我在自己站內無需幫HT講嘢, 現實就系的確未夠好, 但絕對比舊版及樣版要似.

 

皮衫改用真皮製作, 更柔軟襟玩, 皺褶又自然又靚.

BODY全新制, 手肘原復雙關節, 可動度高好多, 而大只佬的結實關系依關, 非常穩定.

增加了背包\火神炮\榴彈炮\榴彈掛帶, 做出T-800最經典的形象.SHOTGUN與舊版差不多, 火神炮就全膠制, 細緻度絕對不足, 完全不比過去有間小廠出的那套金屬可拼拆火神. 榴彈炮都還算不錯, 但手槍就靚咗好多, 造功和質感都一流, 系我見過1/6手槍中最正的!

 

LED燈靚靚STAND系我好喜歡的, 圖案系T-800骨架, 又簡單又型.

 

遺憾的是比舊版減少了機械手臂, 槍盒及玫瑰, 黑色T.

 















































 

後記: 我就完全收貨的, 並且即時賣咗只舊版, 邊有得比啊~~~~~ 不過............阿諾的形象早已不是電影和現實中的, 而系大家心目中及想當然的.

但真系要彈一句, DX版唔俾翻個戰損LOOK點夠DX, EB做緊了, HT唔該識做啦~

Write a comment

Comments: 5
  • #1

    Fai (Friday, 09 November 2012 07:05)

    師兄,你d相好正,救番呢只阿諾吾少,不過只眼可能太大所以真係吾係好似,可動眼有時真係.....

  • #2

    akiraz (Monday, 12 November 2012 21:34)

    老实讲,新不如旧。呢只太瘦,阿诺必须有横感,才好看。而且可动眼设计的确有问题。唯一长处系呢只关节比旧好,武器多D。

  • #3

    Elljay (Tuesday, 13 November 2012 22:46)

    akiraz
    你睇多次電影, 拎只實物在手感受下, 你會有不同意見.

    Fai
    眼大系有D, 但我未覺過份, 亦放上對比圖.
    阿諾的形象已不是電影和現實中的, 而系大家心目中及想當然的.

  • #4

    KH (Wednesday, 14 November 2012 10:27)

    Elljay兄,被你毒咗一年,雖然我係新手,但有時會更客觀。今天DX10終於到手,亦實在沒有入錯,亦覺得舊版比較老,而我是喜歡DX10樣版及官圖,但這段時間亦被一些網上post既相嚇親。的而且確應有戰損才配上DX,才是Termintor。

  • #5

    AJ (Saturday, 17 November 2012 04:02)

    DX10 面型一眼望落去好似瘦左d,另外想問你 ht新版gg俠(牙尾星時敗打命)有冇訂?我現在有興趣.....