VIRGO SAGA @ CLOTH MYTH EX

我想問已經入手的朋友, 為了一句[最接近神的男人], 你付出咗幾多銀紙?

我系本身系以預訂價(460)入手的, 一上手第一時間便是[唔系化~~~~~~~~~~~~], 咁就炒到7百幾~!? 沒有太多去留意這只玩具, 只替仍然高追的朋友感到不值.

因為呢只處女座實在是太~~~~~~~~~~~~太一般了, 不客氣地說系出得差!

 

做功什麼的, 都系EX一慣標準, 不會有什麼問題, 但設計和裝配真系有幾個地方令到沙加屎咗.

活動肩甲系好, 但系咪需要用到比身上任何一件合金件都要厚?

分層活動系好, 但其實只能做到前舉, 而上舉又十分勉強, 更不會向後活動, 那笨大你分咁多件為何?

披風就更加激死你, 只有活動肩甲能使用披風, 而固定肩甲居然用唔到!

都算, 活動肩甲裝上披風後種要後面成個彈起, 根本不能復貼. 而且安裝時還要替換一個小零件.

都算, 披風那三塊件系照版煮糊的, 根本沒有遷就聖衣的不同外型, 而正好處女聖衣背後裝披風個位系開低咗好多的, 但披風長度依舊, 於是, 披風掃地而且仲要長得好緊要, 連站立都受影響.

以上的已經夠令我掃興. 點知, 裙甲中間個扣仲邊玩邊甩, 而且是永完不能對正中間的, SHIT~!

 

其他唔系咁摞命的問題是開眼面相只能算勉強可收貨, 我認為根本唔靚, 而那兩串念珠...........使唔使粗成咁............

根本成個外型都不覺得有多好

 

這次的沙加我只影好少相, 唔系唔想影, 而且根本個過程就不令人愉快, 擺擺下POSE又要換肩甲, 又要換件, 又要跌腰甲, 有咩可能玩得開心, 我只是想快快了事.

 

而唯一我可以贊的, 就系附上了蓮花座.
























 

後記: 買開系要買, 本命星座更要買, 但就玩具說玩具, 呢只沙加根度一般, 而且根本就出得最差系佢, 米羅都好過佢, 未入手又打算高追的朋友, 如果你有幸睇到呢篇, 便暫且避過這六道輪回吧

 

 

 

後後記:EX處女披風CUT短成功~ 打磨完後根本如原裝無異, 先用鉛筆畫好線再用模型剪鉛剪, 之後用打磨棒磨翻就OK, 由於簡單到接近弱智, 所以不需教程了. 唯一的注意是:反正原裝不合用, CUT便CUT啦~ 大膽落刀便是, 20分鍾內完成

Write a comment

Comments: 10
  • #1

    (Tuesday, 20 November 2012 11:33)

    一路玩一路掉零件,系死罪

  • #2

    Max Kazma (Tuesday, 20 November 2012 17:12)

    讲真,正如你所讲,玩起身的确各种吾爽,只不过,到目前为止出佐甘多款沙加产品,呢只EX既外型系令我最满意嘎勒。鬼叫自己系沙加控咩,好彩无比人砍单咋...

  • #3

    Matt (Tuesday, 20 November 2012 20:05)

    點解我個星座會出到咁。。。原本舊版嘅沙加我都冇一隻滿意(明知處女座啲人挑剔就唔該整翻試正啲啦),仲滿心期待哩只可以令我知足。喺,官圖無限美,就算喺實物圖整體效果都好令人心動,不過上手就爛哩下死得喇。

  • #4

    Ken (Wednesday, 21 November 2012 07:37)

    沙加真是一般,Elljay兄你有沒有買卡隆,如果你有,不知會不會
    Post圖?十分期待

  • #5

    高渣 (Wednesday, 21 November 2012 10:14)

    最唔高興係個披風,爭d以為自己玩爛。講起貴,就算訂左都要用高價買,聽聞係因為同一輝死貨一齊賣,玩具商們要用高價凳番。樓主真好彩。論外型,又唔係咁差,自覺本命星座(米羅)比較失望。

  • #6

    akiraz (Wednesday, 21 November 2012 23:07)

    高追700港纸入呀,一路收开,没办法,唔通真系为左一张红纸唔收距咩。但估唔到唔订就炒上天,真系意想不到。以后下下都要订先有合理价,都几系。

  • #7

    Elljay (Thursday, 22 November 2012 06:13)

    楠,
    其實舊神話一樣會跌,只不過認為EX系唔應該跌件的。聖衣神話並不用於把玩。

    MAX
    各種限制不足,的確不爽,但無論控與不控,入開無理由唔追,只是如果價太高,真的無必要急於一時,反正大家都玩了咁多年神話了。

    MATT
    上手真系失望咗,但當然亦可以講我們對他期望太大。

    KEN
    我沒有買限定,太貴了。

    高渣
    所以我後來改短咗。
    我購買的店鋪因為已經幫襯多年,我一般情況下都唔會俾人CUT及食高價的。
    米羅其實你磨咗面就OK,我改咗,以後有機會會影下。米羅出得好過沙架了。

    akiraz
    7舊,原價4舊多D,如果個賣家開我7舊,我一定唔會買。
    你訂都無用,訂十箱,得一至二箱,講明俾人CUT的都系訂咗的

  • #8

    高渣 (Friday, 23 November 2012 09:41)

    樓主好手工,同時期待你ge米羅!

  • #9

    ALEC (Saturday, 29 December 2012 19:00)

    神话甘炒法,买得到既人都变神话级啦。家下一只圣衣神话等于几只高达既价格,但质量唔见提高,有乜谓?!小弟我都已经退出左哩个深坑了。

  • #10

    len (Monday, 14 January 2013 05:53)

    no ned to collect all twelve. I always pick the best four or five to buy.