DANGUARD A @ GX-62

 2年,足足2年,終於有只嫡系超合金魂玩! 

惑星ロボ ダンガードA [太空保衛者] 

我呢D年輕人無睇過,這套松本零士的超級機械人動畫講咩故事我唔知,不過呢部作品的插畫就好鬼正,舊卡通唔會推薦各位了,但D靚插畫可以欣賞下,放2張咁大把。

 

自2年前的GX60宇宙大帝後,系,系2011年,我都再沒有買過合金魂,應該話系根本無得買,得套GX61砌積木版大王者,我都SKIP埋,心諗唔會掛,BANDAI投晒D經費去SR度,就咁由得嫡系的SOC去死?苦等又苦等,唉,出咩都好啦~~~~~~ 

公布太空保衛者時其實幾失望的,又唔識佢,又太老餅,仲細細只,本來都無打算買的。但發售後居然一片好評,而且價格相宜,已經心郁郁,去到玩具店一睇實物,再一睇個玩具盒細細盒易收藏,即科水!

 

一開盒便感動了,雖然細只,但份量十足,非常重手,我唔想講邊D系鐵邊D系膠,上色勁靚勁細膩!但呢份超合金玩具感覺今時今日唔系咁易再尋獲!裝起配件玩兩玩,我的感覺系:幾乎滿分!!!(咁有D位要扣分的,下面再講)

 

機械人外型原設很薯,身體和手臂都很短,幾年前YAMATO出的群雄鋼就比較跟動畫。但BANDAI出得超合金魂,總要改良一下,成個比例靚晒,比較符合當下審美。

可動性作為可變形合金玩具來說很不錯,肩部、跨部、腳踝有類似現在SR的拉出式關節,可動性幾好,而膝關節的彎曲角度極大,可超過120度彎曲(不過無咩實用性)。

配件方面有一向的方程式:外型先決及變形先決。呢次最正的方面我覺得正是於此!

外型先決當然系型灑靚仔,有翻大拳頭,心口炮,完美頭盔及完全收納的背翼,但變形時又要再一次大換件。

但最精彩的地方卻是變形先決的配件:

頭盔部份的可變形關節位置安排很好,完全不影響外觀。

手部是姆指和四指可動。

機翼可以折疊於背後,但完全唔難看,而且設定中就有背翼展開的模式,完全無問題。加上舊POPY合金都是如此的設計,又有懷舊FEEL。

心口開啟後又有精美的起落架

小腿上的的武器可以直接拆出使用,並可雙連接。

最重要的,當然是100%完全變形!呢樣最最爽甜!

所以,以下圖片多數都採用變形先決的形態進行拍攝了。













再有子母戰機,可以變型分離。而頭盔本身是小飛機,裝上可折疊起落架和噴射器,更顯精美! 

這種精美小配件又再次令人有多少感動(超合金魂才會有啊~~~~雖然不是做得很精彩)




戰機形態,變形方式如動畫完全一樣,分離式的變形,非常簡易,由於大小適中,拿在手上變幾個來回都非常輕松。

戰機同樣有外型先決及變形先決兩種形態。

外型先決靚仔系必定的。

但變形先決又再次回到POPY合金懷舊風味,特別系後起落架與POPY幾乎一樣。

需知道,當初BANDAI出超合金魂就是為了讓大家找回過去玩舊合金的感動,呢只完全做到了!








而可以全收納配件的地台加電鍍銘牌又再次出現,真懷念!



OK,講到咁好,那當然系有D扣分的。玩具系腰胸分離式的,但加體的卡扣做得太淺,而且得一個,並不是太穩陣,雖然不會去到拿起上半身,下半身還在下面的情況,但我都真系跌過一次落地,好彩無事。雖然這個完全可以做好一點,呢分扣得真系不值,否則真系滿分之作!

我特易放上勇者雷登的合照,是因為覺得這個對比幾有意思,兩者都差不多大細,又是有變形及外型先決兩種形態,但雷登換上變形配件後人型卻太累贅,基本不會有人這麼玩。太空保衛者則完全相反。

其實我覺得太空保衛者更有點似大武士,兩者的變形先決形態都很好!兩者都是死貨!.........................但兩者我都覺得很精彩很好玩啊,希望大家不要錯過。

 

我現在好少再寫咁長,可見我對這家伙的喜愛,沒有故事,沒有回憶,系純粹對呢件玩具的喜愛!

加上2年買得一件超合金魂,在情在理,呢款都會系我今年TOP10之一!

 

下一只...........下一只超合金魂...................撲你個街!系咪玩嘢,居然出個什麼海賊王的什麼什麼!?!?!唉,我都唔知佢叫乜名,真系吹9漲!

BANDAI都系唔抵贊嘎了!

 

Write a comment

Comments: 3
  • #1

    洋蔥頭 (Wednesday, 14 August 2013 05:34)

    你D相真係堅正

  • #2

    morlook (Saturday, 17 August 2013 04:11)

    呢隻我完全收貨! 唯一少少不滿o既係背翼果個接合位設計... 好單薄, 頭一次裝上背時又實喎, 邊裝邊驚"咬"斷.......

  • #3

    高渣 (Saturday, 14 March 2015 16:08)

    哎呀,竟然miss左呢篇,睇黎呢隻要買返。