Shin Getter [Ver. OVA] @ SRC

我相信大多超合金迷都期待BANDAI出真三一好多年,超合金魂出晒D咩舊三一,OVA,三一G的,你老妹系都唔出真三一,搞咗十幾年,居然放在二姨太度,俾只SR我,雖然已經不爽,但情結所在,只要出便買。

 

未入手時睇網絡評論已經心知不妙,本來以為沒有期望便沒有失望,但點知實物到手那時真系勁無癮。外觀不是主要問題,睇睇下會慣,關節先系大問題,真系頂佢個肺。一樣一樣嚟。

 

首先,個嘜頭已經衰咗,俾咗個大眼包面嚟,霸氣全無,仿佛回到真三一小時候。

然後,對大肶,可唔可以再丑D?大哥,你從邊套OVA邊套設定中見到真三一條大肶有咁勁,有咁嘅造型?你揾出嚟,我切!

再有,對惡魔翼,夸張D講,呢對一定系史上最簡陋的真三一翼,連十幾年前的山口式合蛋那個都比不上。

夠了,外觀問題在我看來真的僅此而已,而都望多兩望你會順眼D,所以你班睇相就鬧的契弟可以收皮先,都未玩過你點爆粗?

 

那些什麼沒有三一戰斧,沒有射線特效,沒有烈陽火球彈之流的,根本不是問題。那一堆豐富到不得了,可動超高,完全外露,但多而無當的所謂超可動關節先系真正激死你的。

我單是講你未必能了解,我本來想影得樣衰D,表現下D缺點,但明顯做不到,所以其實本篇的圖片你是可以忽略掉的。

 

1.頸關節,簡單BALL JOINT唔可以嗎?系要來個直插式椿位,再加三四重拉出式轉軸關節,為的就是一個極少出現、即便你拉出來但會很難睇的飛行頭部角度。而且在正常情況下,個頭仲遠不如BALL JOINT關節好用。

2.那個肩關節還可以再廢點嗎?一個轉軸再加一個拉式出關節,搞埋一推又來個三重關節,未見過咁麻煩的。合埋好睇D,但又太窄會頂住個頭,拉出會好一點,但關節全外露丑得很。而且唔好扭啊大哥。配合埋上臂那一小段關節,絕,我相信以後唔會再有呢類關節。

3.手肘關節,天下奇聞,我數數....4重關節,好扭得嗎?系,但本來SR那種已經好扭得。靚嗎?不能更丑!那4重關節加起身實在系太長,一不小心都會完全外露一大截,更會長到令雙手過膝。

4.腰關節,史上最廢的關節,它需要腰關節嗎?不需要,有胸關節足矣。但這腰關節還不簡單,結構多多,有幾多重關節我數不清,直頭可以90度摺埋,好勁,但需要麼?真的不需要,完全是畫蛇添足。而且也很影響腰部的一體外觀。

5.HIP位關節,有個木嘴網的BANDAI官方評測話“上舉角度很有限”,不能怪這評測的,你看看那關節設計系咪想人扭得順的?一個L型位BALL JOINT,橫向活動無問題,前後活動要將成個黑色那截轉晒角度先得,有無玩得咁Q煩的?那你再加個拉出式系咩意思呢?

 

鬧晒,D關節真系好惡頂,加了一堆又一堆的關節去堆砌,可動高我不否認,但不順手又多餘,而且效果極差,影完相我還是完全無法喜歡他,真的連好也說不上。

抵佢插!撲街我仲買撚貴咗.................



























Write a comment

Comments: 17
  • #1

    Garycharm (Wednesday, 04 September 2013 21:53)

    咦?!

    唔講隻o野,
    你 D 火番晒o黎o咼,
    咁咪幾好!

    呢兩年我自己寫 blog 寫到悶,
    你老味,
    去你老哥個 blog 到睇,仲攬悶過我。
    上 TD 又悶,
    Yahoo Blog 又死攬埋。
    D 老友個個要迫遷,
    冇癮到呢~~~~



    有一兩隻o野辣慶下你,
    大家都開心 D ~~~







  • #2

    Elljay (Wednesday, 04 September 2013 22:04)

    車,我不嬲都好火嘎啦,雖然有D無字,但我影緊那時都好好火嘎。
    悶無計WOR,以前影相有得學習下讚歎下,依家個個都影得靚。
    我仲死D,有幾個牌子完全系廣告式,要插都只能暗插,或乾脆只字不寫,等賣到過晒氣先更新............但免費先玩呢家嘢,我不能抗拒。

  • #3

    秋生 (Wednesday, 04 September 2013 22:16)

    好少见你既PO会咁插法... 今次真三一真系彻底辣着你了吧!
    本身觉得将手肘屈住 低头 会好睇D 实操起身发觉都系欠缺点味道...

  • #4

    Garycharm (Wednesday, 04 September 2013 23:03)

    見到o丫,大家心照。

    都有牌子搵過我(先聲明,冇你果D 咁吸引),
    我試過玩下,感覺唔開心。最重要係影響埋我玩其他玩具o既心情。
    以後冇玩。
    不過算係知道點運作,有時睇下 TD o既膳稿,會識得笑。

    講到影相,我向你度學唔少o野,
    最開心都係果個時候。

    學你話齋,依家個個都靚,
    剩係睇下果個攝影比賽,
    真係俾 CG 果班嚇鬼死。










  • #5

    godofcat (Wednesday, 04 September 2013 23:35)

    有火的開箱特別好睇。bandai係關節開發上無疑係有一手,但有時玩美玩就會發覺,與期搞一推左推右拉的關節,倒不如實實在在,強度高,幅度大的球形關節。

    Gary, 玩CG個班真係嚇L到小弟以後唔敢用PS圖出POST,有批圖本來執好左都唔敢出街...

  • #6

    Garycharm (Thursday, 05 September 2013 05:30)

    阿貓,你又唔駛太謙~

    講開又講,Elljay 個衰仔都冇玩,
    我特登入o黎叫佢,佢都唔肯玩。

  • #7

    warxv (Thursday, 05 September 2013 07:20)

    樣就見仁見智了,我都唔覺靚,不過地方唔同.
    不過扭我又真係扭得幾順手WOW.

  • #8

    迷人超 (Thursday, 05 September 2013 07:46)

    對大脾又真係幾惡哽,你唔講都唔覺,差啲就入咗......

  • #9

    rYaN (Thursday, 05 September 2013 23:55)

    ON9的頸關節...........
    著了絲襪的大脾..........
    吸塑一般的惡魔翼.........
    沒有力量感的握武器用手掌..........
    結果,我羅返山口果隻出黎玩仲開心............

  • #10

    knight (Saturday, 07 September 2013 08:23)

    同你一样。因为它系真三一。所以入左。初时见到它出SR唔系出合金魂我都几庆下。明明甘高人气,都唔知做物春会出系SR里面。相反再睇下合金魂后几款出咩 法兰奇将军 宇宙战舰大和号2199(到底出过几多次了) 真系越睇就越庆。外观你插左敢多我就唔讲了。我再插一下尼只野的造型手!镰刀放入去松到咩甘。尼个从魔神Z大魔神开始就已经系甘的了。持剑持不稳。结果到家下仲未改过来!

  • #11

    御姐控 (Saturday, 07 September 2013 08:32)

    个人觉得转轮的真三一外型比这SR超合胶好得多

  • #12

    Garycharm (Saturday, 07 September 2013 11:39)

    好悶好悶,
    去 o左 TD 開 post 同你嘈下 ~~~
    接蕉啦 ~~~

    哈哈哈哈!!!!!!

  • #13

    劉波 (Sunday, 08 September 2013 04:26)

    沒有玩過其他真三一,無法比較。
    不過看了魔術師的post, 如有其他人拿他來跟山口式比較的話。
    那是侮辱了bandai.
    只因山口式的確是垃圾。

  • #14

    murphy (Sunday, 08 September 2013 21:41)

    這隻台灣大賣啊
    elljay 教主的批評bandai 會傷心的
    待我那隻到手後再細細比較
    感謝分享與寶貴意見

  • #15

    Elljay (Sunday, 08 September 2013 23:39)

    秋生
    你好似系第一次來留言吧~~~THX
    我就全部相都DUP頭,系會好點,頭部我不是太在意,關節才是令我興的地方。

    Garycharm
    比賽什麽的,留翻有能之士去爭啦,我真系完全是幾年前水平,完全沒有提升。
    另外,我已經還拖了~~~~

    warxv
    老哥你工業角度出發的~~~~~~我份人比較感性~

    godofcat
    貓神兄,你講開的那種關節,我第一時間諗到電影L文那個有個小卡位的腳踝關節,那種穩定度和可動主的結合,真系后無來者,你話細番幾倍,用于其他玩具上,多美好。

    迷人超
    大腿內生到入膝頭我都未講,個膝關節就包到實,但手肘關節又完全外露果下先費解。

    rYaN
    我影完之后SET個POST擺好就再沒有玩過

    knight
    合金魂死左9成啦,成本售價高,只只都要新套路,節奏慢早已不能應付BANDAI的財務,SR有曬公式,一只只地出落去,快快手,在今天會比較適合BANDAI。

    劉波
    我都不同意用山口式來比較,但我不認為有什麽玩具是垃圾。

    murphy
    我都見到居然不跌反升。
    我如何批評是沒有用的,什麽也影響不了,只是娛樂下大家


  • #16

    劉波 (Wednesday, 11 September 2013 11:22)

    答案是有的,一玩完後立即掉入垃圾桶就是了。

  • #17

    LavenX (Monday, 28 October 2013 02:25)

    呢只的特色:為佐可動,你底綫可以去到幾盡……