IDW ORION @ TW

TW-IDW ORION ,連個名都敢叫奧立安, 那乾脆直呼 柯柏文
本來睇辦圖時覺得唔差, 比例OK, 細例亦不缺, 完全變形亦吸引, 有一定期待程度.
但實物到手, 覺得外包裝實在系我見過的最差, 搞到成盒玩具CHEAP晒,而且只紅膠色唔靚, 加上與BOXART完全不同的DETAILS上色, 令人覺得既不好看又好似俾人水咁, 未開盒已經覺得又要執一輪了.
後來將人型胸口噴成銀色, 腹部的藍油以銀+藍覆蓋, 全部車窗再上以銀底藍. 眼部需為透明件, 但透光程度幾乎沒有, 於是又油了便算. 再加翻個LOGO, 執一輪先玩得.
人型外型算是高大威武, 但TW的設計全部都以硬直線條為主, 令呢只柯柏文完全直上直落. 可動性其實可謂關節充足, 又全是直來直往無絲毫巧妙, 而且頭部不能向下, 永遠抬高達.
硬直線條+硬直可動, 又落得一個完全硬直的四方木, 什麼有型POSE也出不來.

變形又是有問題, 設計套路幾好的, 有D前MP01的複雜版, 無錯, 系複雜版. 成個車頭又系砌板, 板而板間的卡口非常多, 因整體完全不取巧, 所以D卡口位系靠膠料本身的靭度而硬啪入去的, 即使錯位, 也是用力照樣用力按下去, 沒其他方式, 變完一輪, 哈還好佢D膠真系夠實淨, 不過我D手指就有D痛.
變成車後有個別地方不是完美接合, 不過算, TT都有呢種情況.
拖頭外型還好, 不過你放心, 你買回來的絕對不是這樣, 我另外補過油的. 而前碌加入了關節, 可以做出轉彎的擺動. 車尾可以裝上槍, 亦留有卡口拖貨櫃...........

我之前沒有寫過FPJ個車廂, 借機又寫寫.
呢只TW文如果無個FPJ廂, 則完全是悶蛋四方木一件, 呢個車廂我與我D朋友們已經公認最強, 用料上色和細節都一流, 絕不輸MP10廂. 配以其他卡食電鍍武器, 裝在廂內又可作裝飾.
炮塔是連動, 升起時兩支炮便同時開啟, 而且機械臂亦可以多角度活動. 裡面的文仔又可彈射.
廂底的支撐亦是史上最正, 有三處變形支撐. 這貨櫃尾部亦可以拖多一截, 掛載自家出的馬甲車廂.
大賣點之一是為你解釋文哥車廂消失原理, 原來是光學迷彩, FPJ便將車廂來個包圍形, 將車廂甲板打開便是鏡面了, 給你一個似樣的概念.

但其實我最欣賞這套車廂的地方, 系個玩具盒已經留出一個讓你放CLASSIC文的地方, 讓呢一套玩具更加完整, 圖片就無了, 有的自然明白, 無的現在想買翻亦不難~




























Write a comment

Comments: 0