ROVER @ MT cm-04B

Write a comment

Comments: 1
  • #1

    Lewis Li (Wednesday, 28 October 2015 06:25)

    簡評:
    1)外形:其實一出灰模已經被他吸引,尤其是完全冇背包的人形。上色後可能因為紅色太多太搶眼有啲失望,但睇耐咗又覺得順眼咗。我個人不太覺得半透明前胸有任何問題,畢竟也有少少內構設計,但認同黑色深色多少少可能更好些。戴具車形,MT肯用透明件我非常高興,已經冇太大投訴,雖然理解是根據真實車形,但仍然主觀覺得假如有凸起的警車燈會更凸顯警車形象。

    可動:標準第三方,可跪地,有腰有手腕有接地有抬頭低頭,動作一步到位,只是雙腳板接地關節左右擺動有點太緊和角度不算太大。

    QC:都冇乜投訴,我透明件冇明顯花痕,關節鬆緊大部分OK,上色只有少許出界,我接受到。我未貼貼紙驚自己貼衰了更麻煩。

    變形:如果講變形設計心思,有分加,一貫MT作風簡單之中有驚喜,單單看冇背包已抵讚。但一講流暢就嚴重扣分!正如之前師兄所言,扣位本應輔助變形,但現在變成因攞位太盡、扣位太凸,變成阻住變形!其實流暢的變形設計,是應該只要玩家記得步驟就冇難度變形,但近來MT的作品,包括相機三兄弟和守護者電單車,都有一兩個位係就算你變得很純熟也仍然有種搏鬥的感覺,這架警車更甚!總是要用點蠻力和膠件的勒性來變,有種驚整斷的感覺。反觀其他廠商例如Dx9就冇呢種情況。這絕對是MT要改善的地方!

    評分:如果電單車我俾75-80分的話(因為電單車變形時驚整斷頸而扣分),這警車我會因變形不流暢而俾70分