MEGATRON [APOLLYON] @ X TRANSBOTS

Write a comment

Comments: 1
  • #1

    Lewis Li (Wednesday, 28 October 2015 06:44)

    外形:靚英帥閃,但要承認頭雕未及IDW官方老麥,起初開盒時覺得雙腿短咗少少,但因為變形須要, 雙腳板可拉下,比例回復正常。另上身好像過橫,雙大腿相隔又濶了少少。但整體感覺仍然又型又霸!

    變形:大家最擔心的一環。第一次變槍用了近一小時,但之後由槍變人形,毋須說明書下只用了15分鐘。變槍時間用多了,一來因為第一次,二來肩膀位有巧妙處但又要就注D幼條有D驚;由槍變人形變得快是因為雖然貌似複雜,但所有變形的步驟都大開大合(除了肩膀位),有明確目的和原因,所以一次後已經完全記得!當然也必須承認,變人形流暢過變槍形。

    雙腿幼條幾穩陣不易爛。至於雙肩幼條,其實又幼又長,有D牙煙。應該不是合金(唔肯定),因有少少彈性。但因為連接位刻意較鬆,只要留意住,其實應該唔易爛。變槍時冇像網上示範影片般除下肩部ball joint,仍能安全變形。當然,如想穩陣D,除甩肩部ball joint,雙臂變形完成後才裝返上去也是一個選擇。

    QC:主要是變槍時緊密度不足,不少地方夾唔實會彈返開少少,但仍然穩陣,不太影響外觀。人形相對穩妥。
    雙肩球形關節,假如不要大炮其實承托到,但一上大炮右肩就承托不住。當然廠方已提供Ball joint替換件。但面對變形時的幼條,我情願佢鬆D。提一提可動手指非常易甩,我的也差些揾唔返。其他關節大致ok。

    可動:唔知是否本人遺漏了,但雙肩好像因膠頂膠情況,只可橫舉45度(我全個產品最介意就係呢様!)其他可動以第三方是合格的,雖然不能脆地。

    總括:可與MP柯柏文同玩,以九百唔駛的價錢入,其實同官方MP價錢差不多。假如和同期MP史達比較,個人認為這麥加登絕對冇買錯!