新入手:老變,ANUBIS,N馬B,失望M記

G1色+G1頭雕電影版恐龍BOXSET,色靚,頭靚,的確加分好多,不過有幾只設計得特別衰的,都救唔翻幾多。

BC昆蟲派翻影而已,買過一次蟲,難到不能再變多一次。還好人型幾靚。

MP廢氣,無拉拉又再版,4位數購入的玩家都唔知咩心情了,我覺得一般姐,見平平地入下而已。

MT擋板與旋風IDW補件,擋板實在是很忠於漫畫,一流。但旋風補件嘛,裝左系型D,但由於本身可動就不高,所以其實都擺唔到咩劍士POSE。完全系漫畫FANS向產品。

威將的MPP10柯柏文,大那只,素質如何?夸張小小講:收藏級!見到唔好猶豫了。


MEIDCOM的6寸黑武士,死啦,唔知痴咗邊條線,M記都出得好多唔多同的黑武士玩具啦,呢只點可以做到白粉友咁,瘦到不得了,而且頭盔造型又錯,關節又無力,好失望!


SIDESHOW JANGO FETT,我期待了好耐,佢又DELAY咗三個季度,但出來效果並不好,造型SS一向都無得輸。但成只玩具感覺好流,D槍袋和綁繩真系用皮PU做,而真系1/6噤薄,唔使幾個月一定爛。腳部的盔甲裝裝方式又白痴,背包只是掛著而無磁石固定,可動和穩定性十年如一日的差。唔該HT你快D出!


千值練ANUBIS,我唔覺得有幾靚,個BODY又唔夠JEHUTY靚,可動亦不太好。六件翼只只都一樣,而且關節無力,好難擺得好,更不要說玩。腳尖仍可以變成可以站立的模式,但.............好難,真系好難企得穩,仲要貴過上一款咁多。呢只真說不上好,我上手的第一個字系:叼~


FIGMA馬,呢個一定系我幾年來買得最差的產品之一,有咩理由,只馬自身D關節完全不夠力去承受自己,更不用說有人騎上去。好,放支架,騎吧,NMB!邊度有位固定只公仔!?我一次都未試過成功騎上後能擺一個POSE。更撲街的是:NMB我買了兩盒!!!!


Write a comment

Comments: 0