Wed

23

Dec

2015

年尾入手

2015最後入手。

 

SHF比達,新色唔多靚,而且早知唔訂等新BODY出,算完咗件事就罷了。

名將星戰體驗,死星黑武士比初版靚咗唔少,而BOBA亦夠神韻,但個系列對我來說是睇得唔玩得,關節落後,造型自己阻自己,系平價先入得過。

黑六唔使多講,不過無背包衰D。

 

救急戰隊的連結合體我一直都想買,見好價就出手了,大!威武!人高過43cm,車長超過1.3m,可惜細節全靠貼紙。而我只流星合體又在櫃內不能合玩,可惜可惜。

MEGAHOUSE的確系比較補街的廠商,高智能方程車架貨車居然咁屎,雖然只系配盒蛋我,但我預咗你收得咁貴都會交點工作的,點知全膠都算了,無DETAILS都算了,使唔使全部GIMMICK都系流道件,玩乜都要換件啊!差評!

HI-SPEC ORGUSS我喉咗好耐,見平價1K入手,我當然預咗系廠貨,但所幸幾好幾滿意,造型確系靚,上色亦精美,變形唔加PARTS都無問題,是玩得輕松開心的一款,又能滿足我的懷舊癮。但好多變形扣位都上晒色,好易一變就甩,果D死位唔該用膠色啦,你上油咁叻都唔使咁樣表現的。

 

千值練BLACK WING,本體來說是一件不錯的好玩具,人型靚,可動高,可以完全變形,但可惜斷空我差,合上去都系差。

ROCKMAN表現亦不錯,放在這個價位的人偶出成如何也不會教人驚艷,但事實是比BANDAI的D ART好上不少。

 

HT鋼鐵獵犬才入手,作為擺設實在超一流,十分滿意的一件HT難得佳作!

STARACE的哈利波特系列兩員,我覺得...............頭雕其實幾出問題,尤其上色方面,好MEDICOM向,衣服亦全部偏大小小不稱身。改善空間還好大。

 

LEGO西斯滲透機,人仔不錯,架機外型都不錯,但無咩好玩。

 

3A半尺寸REX是我今年至愛之一,尺寸就手,玩得開心又放心,MGF一定不能錯過!

 

有間新第三方SF推出了FPJx官方合體布斯達C3配件,外型和高度都升級,但胸甲和裙甲太厚,幾扣分的。

 

官方日版破壞者,好巨大,新改動貴一點都物有所值,不過可惜未有時間細玩。但覺得一定是實物靚過上鏡。

Write a comment

Comments: 0