收爐入手

恭喜發財先~!

祝大家新年進步!

 

假期之前又入到唔少新玩具,同樣無可能全部有REVIEW,莫說我不寫文,連相都無可能出晒,所以亦例排在雜記中與大家淺談一二。

 

C字頭1/6條頓騎士:我少玩其他牌1/6,廠名真系唔記得。全裝備外型和比例我覺得是目前一眾同歷史時期騎士最靚,盔甲合金,素體算實淨,頭雕就算啦反正戴頭盔。聽說外型上不夠考究,但算啦我唔識所以無所謂。暫時覺得無咩大問題,喜歡這個題材的我幾推薦。

 

I字头行者孙悟空:专做悟空的厂,好受追捧,炒到飞起,闲闲地都千67到4千,好在網上有原廠衣服套裝,再收翻個頭,可以幾百文執到一只完美的。呢一套樣樣都好,就系個植毛頭就完全唔似電視劇版,反而似狒狒~~~~~~~今年會有新作公布,睇過圖,完全是美猴王!

 

H字頭行者孫悟空:感覺上是照抄I字頭的廉價品,但原來都各有千秋,頭雕外型比I字頭更似六小齡童,但可惜腮太瘦頭太長而且上色一般,但其實非植毛我更BUY,起碼易保存。黃僧服比I字頭增加了花邊幾靚,虎裙的黃白過度太突兀不夠自然。其他我覺得還好,因為價錢只需I字頭一半,所以我自然寬容好多。

PS:我睇1986年版內地西遊長大,到現在只要電視上見到重播都一定會停下來睇,這套西遊在那個年代國內特效技術好差,但綜合來說在我心中應該是永遠的第一!

 

限值練 超人早田進次郞:1/6,超合金,重手,超可動,造型靚,有LED燈,價錢貴。但與期望值相差幾遠,最大幾個問題系上色質感實物上官圖出入太大,漆面太 薄,薄到漏光,薄到在活動時有機會刮甩色。LED燈設計好LOW,成件電子元件外露,每次開關都要拆甲,千萬不要以為是HT的IRONMAN形式。我覺得 效果都靚,但不是所期待的那樣。

有更衰的,剛發售就公布金屬色重塗版再加進次郎頭雕~~~~~~~~~~未見過咁撲街,做咗契弟

 

SHF杜拉格斯:QC差,外型一般,可動差,如果不是因為初版炒得貴我未必會買,上手後覺得呢款應該死在黑歷史裡。

 

組立式菲利:我一直有買該系列,80蚊,仲想點!

 

LEGO OBI絕對戰機:原來和ANAKIN機是有很多不同的,包括拼法,算是有小小驚喜!

 

LEGO BVS蝙蝠車:唔改都覺得可以,並無睇官圖時感覺差,價錢平可入手,都幾大改造空間。

 

LEGO CHIMA 金獅:終於以合理價入手,本來如何不重要,重要是與鳳凰合體後型到爆火屎!

 

MP鐵皮:實物靚過上鏡,而且變形好有心思,玩得開心,綜合評價我可以俾好高分的!如果有人出PARTS改埋腰甲,可說完美!

 

FPJ DINOKING怪魔:未出齊的不過我先拿到SAMPLE,本來單體形態我已經不太喜歡,期望合體。合體後外型還可以,而且合體度算結實,但雙腳的可動很有阻礙,很可惜,失望的。但角色空白,要齊合體都只能入手,人地獨家。

 

MT G2柯柏文:完全獨立主體,不再依靠官方,但已經玩過好多次類似的,我還能說什麼?

 

MTCM保衛派雙臂:變形有心思,亦流暢,外型日系高分,可動不算超高但夠玩,等埋3月主體可以大合體了。

 

MTRM頭領IRONWILL:重,鐵多,外型最G1,變形好爽,熟手的話應該一分鍾內完成變形,作為MP級玩具有這個變形流暢度好難得。但膝關節的設計實在有礙觀感,不過如果要儲,那這個系列是當前的唯一選擇。

 

MTRM Hellfire & Wrestle: 外型簡潔夠G1,可動不俗,最令我開心的是這次變形超流暢爽快,18STEP完成變形,最近我玩上手最多次數的老變,難得佳作!

 

威將MPP10車廂:無得彈!!!完全無簡化不突止,仲加入電鍍和廂內更多的武器掛架

 

THINKWAY U COMMAND R2-D2, AT-AT:R2大概是1/2,AT大概高29CM,THINKWAY的玩具向來只能用視頻來表現,這兩款好好玩,陪BB仔玩好一流!玩得好開心。頭痛的是北美反鬥城包貨限定,好在有好友幫手購買,再次感謝!

其實近期我玩得最多的玩具真系THINKWAY的產品,真正是用來玩的,我COLLECT得不多,只有胡迪,巴斯光年,WALL E,黑武士和以下兩款,雖然價錢貴不易買到,但我已經成為FAN!

Write a comment

Comments: 1
  • #1

    Kimutaku (Tuesday, 09 February 2016 09:00)

    恭喜發財,龍馬精神,萬事如意